ରାସ୍ତା ଉପରେ ପଡ଼ିଛି ଅର୍ଦ୍ଧଦଗ୍ଧ କଟାମୁଣ୍ଡ। ତେବ ଏହେ କଟାମୁଣ୍ଡଟି କାହାର ଜଣାପଡ଼ି ନାହିଁ। ବାଲେଶ୍ୱର ଜିଲ୍ଲାରେ ଏପରି ଘଟଣା ଦେଖିବାକୁ ମିଳିଛି। ଖନ୍ତାପଡ଼ା ଥାନା ଅଧୀନ ୧୬ ନମ୍ବର ଜାତୀୟ ରାଜପଥ ପଣାପଣା ନିକଟରେ ଆଜି ସକାଳେ ସ୍ଥାନୀୟ ଲୋକେ ଜଣେ ଅଜଣା ବ୍ୟକ୍ତିର କଟା ମୁଣ୍ଡ ଦରପୋଡ଼ା ଅବସ୍ଥାରେ ଦେଖି ଭୟଭୀତ ହେବା ସହିତ ଖନ୍ତାପଡ଼ା ପୁଲିସକୁ ଖବର ଦେଇଥିଲେ।ତେବେ କଟା ମୁଣ୍ଡଟି ଛୋଟ ପିଲାର ବୋଲି ଅନୁମାନ କରାଯାଉଛି।ତେବେ କେଉଁ ପରିସ୍ଥିତିରେ ଏକ ଶିଶୁର କଟାମୁଣ୍ଡ ସେଠାକୁ ଆସିଲା ତାହା ଜଣାପଡ଼ି ନାହିଁ। ପୁଲିସ ଓ ସାଇଣ୍ଟିଫିକ ଟିମ୍ ଘଟଣାର ତଦନ୍ତ କରୁଛନ୍ତି।ତେବେ ଅର୍ଦ୍ଧ ଦଗ୍ଧ କଟା ମୁଣ୍ଡର ମିଳିଲା ପରିଚୟ। ଏହା କୌଣସି ମଣିଷର ମୁଣ୍ଡ ନୁହେଁ, ବରଂ ଏକ ଷଣ୍ଢର ମାଂସ ବଢି ଟ୍ୟୁମର ହୋଇଥିବା ବେଳେ ତାହା ଏଠାରେ ପଡ଼ିଯାଇଥିବା ସଦର ଏସ୍ଡିପିଓ ଶଶାଙ୍କ ଶେଖର ବେଉରା ସୂଚନା ଦେଇଛନ୍ତି।ସାଇନଟିଫିକ ଟିମ୍, ପଶୁ ଚିକିତ୍ସକ ଓ ପୁଲିସର ଉପସ୍ଥିତିରେ ତଦନ୍ତ କରାଯାଇ ଏଭଳି ସୂଚନା ଦିଆଯାଇଛି।
