ସୁପ୍ରିମକୋର୍ଟର ମୁଖ୍ୟ ବିଚାରପତି ଜଷ୍ଟିସ୍ ବି.ଆର. ଗଭାଇ ଏକ ବଡ଼ ବୟାନ ଦେଇଛନ୍ତି। ସେ କହିଛନ୍ତି, ଅବସର ପରେ ମୁଁ କୌଣସି ଲାଭଜନକ ସରକାରୀ ପଦବୀ ଗ୍ରହଣ କରିବି ନାହିଁ। ଅବସର ପରେ, ମୁଁ ମୋର ଅଧିକାଂଶ ସମୟ ଦାରାପୁର, ଅମରାବତୀ ଏବଂ ନାଗପୁରରେ ବିତାଇବାକୁ ଚାହେଁ।ସୂଚନାଥାଉକି, ପୂର୍ବରୁ ଜଷ୍ଟିସ ଗଭାଇ ମଧ୍ୟ ଅବସର ପରେ ରାଜନୀତିରେ ପ୍ରବେଶ କରିବାକୁ ମନା କରିଦେଇଥିଲେ। ଗଣମାଧ୍ୟମ ସହିତ କଥାବାର୍ତ୍ତା ସମୟରେ ସେ କହିଥିଲେ,”ସିଜେଆଇ ପଦବୀରେ ରହିବା ପରେ ଜଣେ ବ୍ୟକ୍ତି କୌଣସି ଦାୟିତ୍ୱ ନେବା ଉଚିତ୍ ନୁହେଁ। ଯଦି ଜଣେ ବିଚାରପତି ଅବସର ପରେ ସରକାରୀ ପଦବୀ ଗ୍ରହଣ କରନ୍ତି କିମ୍ବା ନିର୍ବାଚନ ଲଢ଼ନ୍ତି, ତେବେ ଏହା ଏକ ଭୁଲ ବାର୍ତ୍ତା ପଠାଏ। ଲୋକ ମାନେ ନ୍ୟାୟପାଳିକା ଉପରେ ବିଶ୍ୱାସ ହରାଇପାରନ୍ତି।ମୁଖ୍ୟ ବିଚାରପତି ହେବା ପରେ, ଜଷ୍ଟିସ୍ ବି.ଆର. ଗଭାଇ ପ୍ରଥମ ଥର ପାଇଁ ତାଙ୍କ ଜନ୍ମସ୍ଥାନ ଦାରାପୁରରେ ପହଞ୍ଚିଥିଲେ। ଏହି ଅବସରରେ, ସେ ତାଙ୍କ ପିତାଙ୍କ ସ୍ମୃତିସ୍ଥଳରେ ଫୁଲ ଅର୍ପଣ କରି ତାଙ୍କ ଦଶମ ଶ୍ରାଦ୍ଧ ବାର୍ଷିକୀରେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
ଗାଁରେ ପହଞ୍ଚିବା ପରେ ଲୋକଙ୍କ ମଧ୍ୟରେ ଉତ୍ସାହର ପରିବେଶ ସୃଷ୍ଟି ହୋଇଥିଲା। ବହୁ ସଂଖ୍ୟକ ଗ୍ରାମବାସୀ ମୁଖ୍ୟ ବିଚାରପତିଙ୍କୁ ସ୍ୱାଗତ କରିଥିଲେ। ଏହି ସମୟରେ, ଗଭାଇ ଗାଁର ମାଟି ଏବଂ ତାଙ୍କ ପିଲାଦିନ ସହିତ ଜଡିତ ଜିନିଷଗୁଡ଼ିକୁ ଭାବପ୍ରବଣ ଭାବରେ ବାଣ୍ଟିଥିଲେ।
