ବାଲେଶ୍ବର ମୁଖ୍ୟ ଚିକିତ୍ସାଳୟରେ ଅଲଟ୍ରାସାଉଣ୍ଡ୍ ରିପୋର୍ଟ ଏବଂ ଶିଶୁ ପ୍ରସବରେ ତାଳ ମେଳ ନ ରହିବା ଘଟଣା । ଡାକ୍ତରଖାନାର ଜୁନିଅର ଡାକ୍ତରଙ୍କୁ କାରଣ ଦର୍ଶାଅ ନୋଟିସ୍ ଜାରି କଲେ ଜିଲ୍ଲା ସ୍ୱାସ୍ଥ୍ୟ ଅଧିକାରୀ ।ପରିବାର ପକ୍ଷରୁ ଅଭିଯୋଗ ଆସିବା ପରେ ବାଲେଶ୍ବରର ମୁଖ୍ୟ ଜିଲ୍ଲା ଚିକିତ୍ସା ଅଧିକାରୀ (ସିଡ଼ିଏମଓ) ଡାକ୍ତର ଗୋପୀନାଥ ପରିଡା ସ୍ୱାସ୍ଥ୍ୟ ଅଧିକାରୀଙ୍କୁ ଘଟଣାର ତଦନ୍ତ କରିବାକୁ କହିଛନ୍ତି। ଘଟଣା ପାଇଁ ଦାୟୀ ବ୍ୟକ୍ତିମାନଙ୍କୁ କଠୋର ପରିଣାମ ଭୋଗିବାକୁ ପଡିବ ବୋଲି ସେ କହିଛନ୍ତି।
ରାଇବଣିଆ ଥାନା ଅନ୍ତର୍ଗତ ମାକିଡିଆ ଗ୍ରାମର ମହିଳାଙ୍କ ସ୍ୱାମୀ କାନ୍ହୁ ଚରଣ ପାଲ ଗଣମାଧ୍ୟମକୁ କହିଛନ୍ତି ଯେ ବାଲେଶ୍ବର ସହରର ଏକ ଘରୋଇ ନର୍ସିଂ ହୋମରେ ଅଲ୍ଟ୍ରାସାଉଣ୍ଡରେ ଯମଜ ସନ୍ତାନର ପର୍ଦ୍ଦାଫାଶ ହୋଇଥିଲା। ମଙ୍ଗଳବାର ଦିନ ପ୍ରସବ ପୂର୍ବରୁ ଡିଏଚଏଚରେ ଆଉ ଏକ ସ୍କାନରେ ମଧ୍ୟ ଦୁଇଟି ଭ୍ରୁଣ ଦେଖାଯାଇଥିଲା। କିନ୍ତୁ ପ୍ରସବ ପରେ ଡାକ୍ତରମାନେ ତାଙ୍କୁ କେବଳ ଗୋଟିଏ ଶିଶୁ ଜନ୍ମ ହୋଇଥିବା କହିଥିଲେ। ତେବେ ଅଲଟ୍ରାସାଉଣ୍ଡ୍ ରିପୋର୍ଟ ଭୁଲ୍ ନା ପ୍ରସବ ପରେ ପିଲା ଚୋରି ହୋଇଛି ସେ ନେଇ କୌଣସି ସ୍ପଷ୍ଟୀକରଣ ରଖାଯାଇ ନାହିଁ । ତଦନ୍ତ ପରେ ହିଁ ସତ ସାମ୍ନାକୁ ଆସିବ ।
