ଗତ କିଛି ଦିନ ଧରି ଅମିତାଭ ବଚ୍ଚନଙ୍କ ପ୍ରତିଟି ପୋଷ୍ଟରେ ଭିନ୍ନ ପ୍ରତିକ୍ରିୟା ରଖୁଥିଲେ। ଫୋନ୍ରେ ସେମାନେ ତାଙ୍କ କଣ୍ଠସ୍ବର ଶୁଣି ଶୁଣି ଥକି ଗଲେଣି ବୋଲି କହୁଥିଲେ। ଏହାର ଜବାବ ଦେଇଥିଲେ ବିଗ୍ ବି। ମୋତେ ନୁହେଁ ବରଂ ସରକାରକୁ କୁହନ୍ତୁ, ସରକାର କହିଲେ ବୋଲି ମୁଁ କହିଛି ବୋଲି କହିଥିଲେ। ଏହାକୁ ନେଇ ଏବେ ସରକାର ବଡ଼ ଘୋଷଣା କରିଛନ୍ତି। କାରଣ ଏହି କଲର୍ ଟ୍ୟୁନ୍କୁ ବନ୍ଦ କରିଦିଆଯାଇଛି।ପ୍ରତ୍ୟେକ ମୋବାଇଲ୍ କଲ୍ ପୂର୍ବରୁ ୪୦ ସେକେଣ୍ଡ ପାଇଁ ବାଜୁଥିବା ଏହି କଲର ଟ୍ୟୁନ୍ ଏବେ ଗ୍ରାହକଙ୍କ ପାଇଁ ସମସ୍ୟାର କାରଣ ପାଲଟିଛି। ଜନସାଧାରଣଙ୍କ ଅଭିଯୋଗ ଏବଂ ଜରୁରୀକାଳୀନ ପରିସ୍ଥିତିରେ ବିଳମ୍ବକୁ ଧ୍ୟାନରେ ରଖି ଯୋଗାଯୋଗ ମନ୍ତ୍ରଣାଳୟ ଏହି ବଡ଼ ପଦକ୍ଷେପ ନେଇଛି। ଯାହା ଗୁରୁବାର ଠାରୁ ଲାଗୁ ହୋଇଛି ।
ତେବେ ସାଇବର ଠକେଇ ଏବଂ ଡିଜିଟାଲ୍ ଠକେଇର ବର୍ଦ୍ଧିତ ମାମଲାକୁ ଦୃଷ୍ଟିରେ ରଖି, ଭାରତ ସରକାର ପ୍ରତ୍ୟେକ କଲ୍ ପୂର୍ବରୁ ଏକ ସଚେତନତା ବାର୍ତ୍ତା ବଜାଇବାକୁ ଟେଲିକମ୍ କମ୍ପାନୀଗୁଡ଼ିକୁ ନିର୍ଦ୍ଦେଶ ଦେଇଥିଲେ। ଏହି ବାର୍ତ୍ତାରେ, ଅମିତାଭ ବଚ୍ଚନଙ୍କ କଣ୍ଠରେ ଲୋକଙ୍କୁ ନକଲି କଲ୍, ଫିସିଂ ଗ୍ରହଣ ନକରିବାକୁ ଏବଂ ଅଜଣା ଲିଙ୍କ୍ କିମ୍ବା ଓଟିପି ସେୟାର ନକରିବାକୁ ପରାମର୍ଶ ଦିଆଯାଇଥିଲା। ଏହି ପଦକ୍ଷେପ ପ୍ରାରମ୍ଭରେ ପ୍ରଶଂସନୀୟ ଥିଲା, କାରଣ ଦେଶରେ ପ୍ରତିଦିନ ହଜାର ହଜାର ଲୋକ ସାଇବର ଅପରାଧର ଶିକାର ହେଉଛନ୍ତି। କିନ୍ତୁ ବାରମ୍ବାର ଶୁଣାଯାଉଥିବା ଏହି ୪୦ ସେକେଣ୍ଡର ବାର୍ତ୍ତା, ବିଶେଷକରି ଜରୁରୀକାଳୀନ କଲ୍ ସମୟରେ, ଲୋକଙ୍କ ପାଇଁ ଅସୁବିଧାର କାରଣ ପାଲଟିଥିଲା। ସୋସିଆଲ ମିଡିଆରେ ଏହାର ଆଲୋଚନା କରାଯାଉଥିଲା। ଏହାପରେ ଇନ୍ଦୋରର ଜଣେ ପୂର୍ବତନ ବିଧାୟକ ସୁଦର୍ଶନ ଗୁପ୍ତା କେନ୍ଦ୍ରମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆଙ୍କୁ ଚିଠି ଲେଖିଥିଲେ।ସରକାର ଏହି କଲର ଟ୍ୟୁନ୍କୁ ସଚେତନ କରିବାକୁ ଉପଯୋଗ କରିଥିଲେ। ଏବେ ଏହି ଅଭିଯାନ ପୂରଣ ହୋଇଛି। ତେଣୁ ଏହାକୁ ହଟାଇବାକୁ ଆଦେଶ ଦିଆଯାଇଛି।