ଭୁବନେଶ୍ବର ଏୟାରଫିଲ୍ଡ ଥାନାରେ ଅଘଟଣ । ରୋଷେଇ ଚାଲିଥିଲା ବେଳେ ଗ୍ୟାସ୍ ଟାଙ୍କିରେ ଲାଗିଲା ନିଆଁ । ନିଆଁ ଲାଗି ଫାଟିଗଲା ଗ୍ୟାସ ଟାଙ୍କି । ଜଣେ ବ୍ୟବସାୟୀ ଆହତ ହୋଇଛନ୍ତି । ଏୟାରଫିଲ୍ଡ ଥାନାର କର୍ମଚାରୀ ଗ୍ୟାସ ବ୍ୟବହାର କଲାବେଳେ ହଠାତ ସିଲେଣ୍ଡରରେ ନିଆଁ ଲାଗିଥିଲା। ତାହାକୁ ଲିଭାଇବାକୁ ଚେଷ୍ଟା କରିଥିଲେ ବି ଲିଭିନଥିଲା।
ଏହାପରେ ଥାନା ଛାତ ଉପରେ ଏହି ସିଲେଣ୍ଡର ବ୍ଲାଷ୍ଟ ହୋଇଥିଲା। ଟାଙ୍କିଟି ଫାଟିବା ପରେ ୧୦୦ ଫୁଟ ଦୂରରେ ଥିବା ହାଟକୁ ଛିଟିକି ପଡିଥିଲା ଭଗ୍ନାଂଶ। ଏହି ସମୟରେ ପରିବା ବ୍ୟବସାୟୀଙ୍କ ଦେହରେ ମାଡ ହୋଇଥିଲା ସିଲେଣ୍ଡର। ସଙ୍ଗେ ସଙ୍ଗେ କ୍ୟାପିଟାଲ ହସ୍ପିଟାଲରେ ପହଞ୍ଚି ପ୍ରାଥମିକ ଚିକିତ୍ସା କରାଗଲା। ପରବର୍ତ୍ତୀ ସମୟରେ ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଛି।
