ଲୋକ ସଭା ପରେ, ରାଜ୍ୟ ସଭାରେ ମଧ୍ୟ ୱକଫ ସଂଶୋଧନ ବିଲ୍ ଗୃହୀତ ହୋଇଥିଲା। ତଥାପି, କଂଗ୍ରେସ ଏହି ବିଲ୍କୁ ବିରୋଧ କରିଛି। କଂଗ୍ରେସ କହିଛି ଯେ ଦଳ ଖୁବ ଶୀଘ୍ର ଏହି ବିଲ୍ ବିରୋଧରେ ସୁପ୍ରିମକୋର୍ଟର ଦ୍ୱାରସ୍ଥ ହେବ ଏବଂ ୱକଫ (ସଂଶୋଧନ) ବିଲ, ୨୦୨୪ର ସାମ୍ବିଧାନିକ ବୈଧତାକୁ କୋର୍ଟରେ ଚ୍ୟାଲେଞ୍ଜ କରିବ।ତେବେ ବୁଧବାର ଲୋକସଭାରେ ୧୪ ଘଣ୍ଟା ଆଲୋଚନା ଏବଂ ଗୁରୁବାର ରାଜ୍ୟସଭାରେ ପ୍ରାୟ ୧୭ ଘଣ୍ଟାର ଦୀର୍ଘ ଆଲୋଚନା ପରେ ସଂସଦର ଉଭୟ ଗୃହରେ ପାରିତ ହୋଇଛି ୱାକଫ (ସଂଶୋଧନ) ବିଲ୍, ୨୦୨୫ । ଏନେଇ ନିଜ ଏକ୍ସରେ ପୋଷ୍ଟ କରି ଏଆଇସିସି ସାଧାରଣ ସମ୍ପାଦକ ଜୟରାମ ରମେଶ କହିଛନ୍ତି, କଂଗ୍ରେସ ଖୁବ୍ ଶୀଘ୍ର ସୁପ୍ରିମକୋର୍ଟରେ ୱାକଫ (ସଂଶୋଧନ) ବିଲ୍, ୨୦୨୪ ର ସାମ୍ବିଧାନିକତାକୁ ଚ୍ୟାଲେଞ୍ଜ କରିବ । ଭାରତୀୟ ସମ୍ବିଧାନରେ ଥିବା ନୀତି, ବ୍ୟବସ୍ଥା ଏବଂ ଅଭ୍ୟାସ ଉପରେ ମୋଦି ସରକାରଙ୍କ ସମସ୍ତ ଆକ୍ରମଣକୁ ଆମେ ପ୍ରତିରୋଧ କରିବୁ ବୋଲି କହିଛନ୍ତି ରମେଶ ।
