ପିସିସି ସଭାପତି ପାଇଁ ରାଜ୍ୟରେ ଲବି ଆରମ୍ଭ ହୋଇଛି। ଏବେ ଓଡିଶା କଂଗ୍ରେସ ନେତା ଦିଲ୍ଲୀ ମୁହାଁ ହୋଇଛନ୍ତି । ମୁରବି ଶୂନ୍ୟ ପିସିସିକୁ ଖୁବ୍ ଶୀଘ୍ର ମୁଖିଆ ମିଳିବା ନେଇ ରାଜ୍ୟ ରାଜନୀତିରେ ଚର୍ଚ୍ଚା ଜୋର୍ ଧରିଛି।ଖବର ଅନୁଯାୟୀ, ଓଡିଶାର କିଛି କଂଗ୍ରେସ ନେତା ଦିଲ୍ଲୀ ଗସ୍ତ କରିଥିବା ଜଣାପଡିଛି । ଆଉ ଏବେ ଗୁରୁବାର ଦିନ ସକାଳୁ ସକାଳୁ ଦିଲ୍ଲୀ ଗସ୍ତ କରିଛନ୍ତି ବରିଷ୍ଠ କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି ।
ଏହି ଗସ୍ତ ଅବସରରେ କଂଗ୍ରେସ ଅଧ୍ୟକ୍ଷ, ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଏବଂ କିଛି ବରିଷ୍ଠ କଂଗ୍ରେସ ନେତାଙ୍କୁ ଭେଟିବାର କାର୍ଯ୍ୟକ୍ରମ ରହିଛି । ଏହି ଦିଲ୍ଲୀ ଗସ୍ତରେ ପିସିସିର କିଏ ସଭାପତି ହେବ । ସେନେଇ ମାନସ ମନ୍ଥନ ଚାଲିବ । ତେବେ କାହାକୁ ଭରସା କରିବେ ହାଇକମାଣ୍ଡ । ତାହା ଦେଖିବାକୁ ବାକି ରହିଲା । ହେଲେ ଏହି ପିସିସି ସଭାପତି ରେସ୍ରେ ଅନେକ ବରିଷ୍ଠ ନେତା ରହିଥିବା ଜଣାପଡିଛି ।
