ଗ୍ୟାଙ୍ଗଷ୍ଟର ଗୋଲ୍ଡି ବରାରକୁ ଆତଙ୍କବାଦୀ ଘୋଷଣା କଲେ କେନ୍ଦ୍ର ସରକାର। ବେଆଇନ କାର୍ଯ୍ୟକଳାପ ପ୍ରତିରୋଧ ଆଇନ୍ ଅନୁସାରେ, ଖଲିସ୍ତାନୀ ସଂଗଠନ ବାବର ଖାଲ୍ସା ଇଣ୍ଟରନ୍ୟାସ୍ନାଲ ସହ ଜଡ଼ିତ ଗୋଲ୍ଡି ବରାରକୁ ଆତଙ୍କବାଦୀ ଘୋଷଣା କରାଯାଇଛି। ଏନେଇ କେନ୍ଦ୍ର ଗୃହମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି। ସୋମବାର ଜାରି ବିଜ୍ଞପ୍ତିରେ କୁହାଯାଇଛି, ବ୍ରାରଙ୍କ ପଛରେ ବହୁ ବିଦେଶୀ ଆତଙ୍କବାଦୀ ସଂଗଠନର ସମର୍ଥନ ରହିଛି। ୨୦୨୨ରେ ପଞ୍ଜାବୀ ଗାୟକ ସିଦ୍ଧୁ ମୁସଓ୍ବୋଲା ହତ୍ୟାକାଣ୍ଡର ସେ ମାଷ୍ଟରମାଇଣ୍ଡ ଥିବା ପୋଲିସ କହିଥିଲା।ଗୋଲ୍ଡି ବ୍ରାର ପଞ୍ଜାବରେ ଚୋରା ଚାଲାଣ ଏବଂ ସୀମା ପାର୍ ଅସ୍ତ୍ରଶସ୍ତ୍ର ତଥା ଡ୍ରଗ୍ସ କାରବାରରେ ଜଡ଼ିତ। କୁଖ୍ୟାତ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇର ଖାସ୍ ସହଯୋଗୀ ହେଉଛି ଗୋଲ୍ଡି ବ୍ରାର। ଗୃହମନ୍ତ୍ରଣାଳୟ କହିଛି ଯେ ଗୋଲ୍ଡି ବରାର ଦେଶ ବାହାରେ ସକ୍ରିୟ ଥିବା ଆତଙ୍କବାଦୀଙ୍କ ସଂଗଠନରୁ ସମର୍ଥନ ପାଉଛି। ସେ ଏକାଧିକ ହତ୍ୟା ଅପରାଧରେ ସାମିଲ ଥିବା ସହ ଦେଶର ନେତାମାନଙ୍କୁ ହତ୍ୟା ଧମକ ଦେଇ ସସେମାନଙ୍କ ଠାରୁ ଚାନ୍ଦା ମାଗିବାର ଅଭିଯୋଗ ରହିଛି। ଏଥିସହିତ ସୋସିଆଲ୍ ମିଡିଆରେ ପୋଷ୍ଟ କରି ଆତଙ୍କ ଖେଳାଉଛି ବୋଲି ଗୃହମନ୍ତ୍ରଣାଳୟ କହିଛି।
କେବଳ ସେତିକି ନୁହେଁ, କାନାଡ଼ାରେ ଥିବା ଆତଙ୍କବାଦୀ ଗୋଲ୍ଡି ବରାର ପଞ୍ଜାବୀ ଗାୟ ସିଦ୍ଧୁ ମୁସେୱାଲା ହତ୍ୟାକାଣ୍ଡରେ ବି ନିଜକୁ ଦାୟୀ କରିଥିଲା। ପୁଲିସ ତଦନ୍ତରେ ମଧ୍ୟ ଗୋଲ୍ଡି ଏହି ହତ୍ୟାକାଣ୍ଡର ମାଷ୍ଟର ମାଇଣ୍ଡ ଥିଲା ବୋଲି ଜଣାପଡ଼ିଥିଲା।
