ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବନ ବିଭାଗ ୧ ଟନ୍ (୧୦୦୦ କେଜି) କଇଁଛ ଜବତ କରିଛି। ଏହା ସହିତ ୨ ଜଣଙ୍କୁ ଗିରଫ କରିଛି। ତେବେ ଚାଲାଣ ବେଳେ ଓଡିଶା-ଆନ୍ଧ୍ର ସୀମାନ୍ତ ରାଜୁଲୁକୋଣ୍ଡା ନିକଟରେ ଧରିଲା ବନ ବିଭାଗ । ଆନ୍ଧ୍ର ପ୍ରଦେଶର ନମ୍ବର ଥିବା ଏହି ପିକ୍ ଅପ୍ ଭ୍ୟାନ୍ଟିକୁ ଯାଞ୍ଚ କରାଯିବା ବେଳେ ସେଥିରେ କଇଁଛ ଥିବା ଜଣାପଡ଼ିଥିଲା। ମୋଟ ୩୫ଟି ବସ୍ତାରେ କଇଁଛଗୁଡ଼ିକୁ ରଖାଯାଇଥିଲା। ଏସବୁ କଇଁଛକୁ ଏକ ପିକ୍ଅପ୍ ଯୋଗେ ଆନ୍ଧ୍ରରୁ ଓଡ଼ିଶା କାଲିମେଳା- ୭୯ ଗାଁକୁ ଚୋରା ଚାଲାଣ କରାଯାଉଥିଲା। ଏସବୁ କଇଁଛକୁ ଗାଡ଼ିରେ ସୋଲ, ପେଟି ଓ ଅଖାରେ ଭର୍ତ୍ତି କରି ଚାଲାଣ କରାଯାଉଥିଲା।
