ଛୋଟ କଣ୍ଟେଣ୍ଟ କ୍ରିଏଟର୍ଙ୍କୁ ଇନଷ୍ଟାଗ୍ରାମର ବଡ଼ ଝଟ୍କା। ଲାଇଭ୍ ଫିଚର ବଦଳାଇଲା ମେଟା। ଲାଗୁ ହେଲା ନୂଆ ନିୟମ। ଲାଇଭ୍ରେ ଆସି ଏବେ ଆଉ ମନ ଇଚ୍ଛା ଗପି ପାରିବେନି କ୍ରିଏଟର୍। ଲାଇଭ୍ ଯିବା ପାଇଁ ହେଲେ ମାନିବାକୁ ପଡ଼ିବ ଏହି ନିୟମ।ଇନଷ୍ଟାଗ୍ରାମରେ ପୂର୍ବରୁ ଯେକୌଣସି ୟୁଜର ଲାଇଭ୍ ଯିବାର ସୁବିଧା ଥିଲା। ଫଲୋୟର୍ସ ସଂଖ୍ୟା କମ୍ ଥିଲେ ମଧ୍ୟ ଲାଇଭ୍ ଯିବାରେ କୌଣସି ଅସୁବିଧା ନଥିଲା। ଏବେ କେବଳ ପବ୍ଲିକ ଆକାଉଣ୍ଟ ଓ ହଜାରେରୁ ଅଥିକ ଫଲୋୟର୍ସ ଥିବା କ୍ରିଏଟର ଲାଇଭ୍ ଯାଇ ପାରିବେ। ଏହା ଦ୍ଵାରା ନୂଆ କ୍ରିଏଟର୍ଙ୍କ ପାଇଁ ମୁସ୍କିଲ ବଢିଛି। ଯେଉଁମାନେ ନୂଆ ନୂଆ ଆକାଉଣ୍ଟ ଖୋଲି ଅଡିଏନ୍ସ ତିଆରି କରୁଛନ୍ତି ସେମାନଙ୍କ ପାଇଁ ଅଡ଼ୁଆ ବଢିଛି। ତେବେ ଏହି ଗାଇଡଲାଇନ୍ ଜାରି କରିବାରେ ଇନଷ୍ଟାଗ୍ରାମ୍ ପ୍ରଥମ ପ୍ଲାଟଫର୍ମ ନୁହେଁ। ଏହା ପୂର୍ବରୁ ଟିକଟକ୍ରେ ଲାଇଭ୍ ଯିବା ପାଇଁ ଏକ ହଜାର ଫଲୋୟର୍ସ ରହିବା ଜରୁରୀ ଥିଲା। ସେହିପରି ୟୁଟ୍ୟୁବରେ ଲାଇଭ୍ ଷ୍ଟ୍ରିମିଂ ପାଇଁ ୫୦ ସବସ୍କ୍ରାଇବର୍ ଥିବା ଜରୁରୀ।
