ଭାରତ-ଇଂଲଣ୍ଡ ମଧ୍ୟରେ ଚାଲିଛି ୫ ଟିକିଆ ଟେଷ୍ଟ ସିରିଜ୍ । ଏହି ସିରିଜ୍ର ପ୍ରଥମ ମ୍ୟାଚ୍କୁ ଇଂଲଣ୍ଡ ବିଜୟୀ ହୋଇଥିବା ବେଳେ ୨ୟ ମ୍ୟାଚ୍କୁ ଭାରତୀୟ ଟିମ୍ ବିଜୟୀ ହୋଇଛି । ଉଭୟ ଦଳ ସିରିଜରେ ଏବେ ୧-୧ରେ ରହିଛନ୍ତି । ତେବେ ଇଂଲଣ୍ଡ ବିପକ୍ଷରେ ଖେଳାଯିବାକୁ ଥିବା ପଞ୍ଚମ ଟେଷ୍ଟରେ ବିରାଟ କୋହଲି ଖେଳିବା ନେଇ ପ୍ରଶ୍ନ ଉଠିଛି। ବିରାଟ କୋହଲି ଚୟନ ପାଇଁ ଉପଲବ୍ଧ ନାହିଁ ବୋଲି କୁହାଯାଇଛି। ଏହାପୂର୍ବରୁ ବ୍ୟକ୍ତିଗତ କାରଣରୁ ବିରାଟ କୋହଲି ଇଂଲଣ୍ଡ ବିପକ୍ଷରେ ଖେଳାଯାଉଥିବା ସିରିଜର ପ୍ରଥମ ଦୁଇଟି ମ୍ୟାଚରୁ ତାଙ୍କ ନାମ ପ୍ରତ୍ୟାହାର କରି ନେଇଥିଲେ।ଖବର ଅନୁଯାୟୀ, ସିରିଜ୍ ଆରମ୍ଭ ପୂର୍ବରୁ ପ୍ରଥମ ୨ଟି ଟେଷ୍ଟ ମ୍ୟାଚ୍ ଲାଗି ଦଳ ଘୋଷଣା ହୋଇଥିଲା ।
ହେଲେ ବ୍ୟକ୍ତିଗତ କାରଣ ଲାଗି ବିରାଟ ପ୍ରଥମ ୨ଟି ଟେଷ୍ଟରୁ ନିଜ ନାମକୁ ଫେରାଇ ନେଇଥିଲେ । ଆଉ ଏବେ ବାକି ଟେଷ୍ଟ ମ୍ୟାଚ୍ ଲାଗି ଦଳ ଘୋଷଣା ହେବ। ଆଗାମୀ କିଛି ଦିନ ମଧ୍ୟରେ ଚୟନ କମିଟି ପକ୍ଷରୁ ଦଳ ଘୋଷଣା କରାଯିବ ।
