ତୃତୀୟ ଦିନରେ ପହଞ୍ଚିଛି ମିଶନ ଶକ୍ତି ମହିଳାଙ୍କ ଧାରଣା। ଶୀତ କାକରରେ ହକ୍ ପାଇଁ ଭୁବନେଶ୍ବର ଲୋୟର ପିଏମଜିରେ ଧାରଣାରେ ବସିଛି ଜିପିଏଲଏଫ ସଂଘ । ରାଜ୍ୟ ସରକାରଙ୍କ ସହ ସଂଘର ଆଲୋଚନା ବିଫଳ ହେବା ପରେ ଶୀତୁଆ ରାତିରେ ରାସ୍ତାରେ ପଡ଼ି ରହିଛନ୍ତି ।ସରକାର ନ ଶୁଣିବା ଯାଏଁ ଏଠି ପଡି ରହିବେ ପଛେ, ହେଲେ ଆଦୌ ହଟିବେ ନାହିଁ ବୋଲି ଖୋଲାଖୋଲି ଚେତାବନୀ ଦେଇଛନ୍ତି । ୯ ମାସ ଧରି ମିଳିନି ଦରମା । ଚୁକ୍ତିର ଅବଧି ପୁରି ସାରିଥିଲେ ବି ଏହାକୁ ନବୀକରଣ କରାଯାଇନାହିଁ । ୧୦ ଦଫା ଦାବିରେ ରାସ୍ତାକୁ ଓହ୍ଲାଇଛନ୍ତି ଆନ୍ଦୋଳନକାରୀ । ବିଜେଡି ଓ କଂଗ୍ରେସ ଆନ୍ଦୋଳନକୁ ସମର୍ଥନ କରିଛନ୍ତି ।
