ଥଣ୍ଡା ବୋତଲରେ ଦେଶୀ ମଦ ଚାଲାଣ । ଏକ ଘରୋଇ ବସରୁ ବ୍ୟାପକ ଦେଶୀ ମଦ ଜବତ କରିଲା ଉଦଳା ପୋଲିସ । ଥଣ୍ଡା ବୋତଲରେ ଦେଶୀ ମଦ ଚାଲାଣ କରୁଥିବା ବେଳେ ପୋଲିସ ହାତରେ ୩ ଜଣ ବେପାରୀ ଧରାପଡ଼ିଛନ୍ତି । ଜେରା ପରେ ଖୋଲିଛି ପୁରା ମଦ ବେପାରର କାରନାମା ।୭୫ଟି ବୋତଲରୁ ୧୮୦ ଲିଟର ମଦ ଜବତ ହୋଇଛି । ସୋମବାର ବିଳମ୍ବିତ ରାତିରେ ଖୁଣ୍ଟାରୁ ଭୁବନେଶ୍ବର ଯାଉଥିବା ଘରୋଇ ବସ୍ ‘ରାଜାବାବୁ’ରେ ଚୋରା ଦେଶୀ ମଦ ଯାଉଥିବାର ଖବର ପାଇଥିଲା ପୋଲିସ । ଉଦଳା ବସଷ୍ଟାଣ୍ଡରେ ଚଢାଉ ପରେ ଚୋରା ମଦ ସହ ୩ ଜଣ ଧରାପଡିଛନ୍ତି । ଗିରଫ ୩ ଅଭିଯୁକ୍ତଙ୍କ ମଧ୍ୟରୁ ୨ ଜଣ ଭୁବନେଶ୍ବର ହାଇଟେକ ଅଞ୍ଚଳର ସନ୍ୟାସୀ ବିଶୋଇ ଓ ମୁନା ଦାସ । ଅନ୍ୟ ଜଣେ ଉଦଳା ଥାନା ଅମ୍ବିକାଦେଇପୁର ଅଞ୍ଚଳର ରାମ ସିଂ ।
