ନୂଆଗାଁ: ଭିନ୍ନକ୍ଷମ ଛାତ୍ର ଛାତ୍ରୀ କୌଣସି କ୍ଷେତ୍ରରେ କମ୍ ନୁହନ୍ତି ଏପରିକି ସେମାନଙ୍କୁ ସବୁ ସୁବିଧା ସୁଯୋଗ ମିଳିଲେ ସେମାନେ ସବୁ କ୍ଷେତ୍ରରେ ପାରିର୍ଶିତା ଦେଖାଇଥାନ୍ତି।ନୟାଗଡ ଜିଲ୍ଲା ନୂଆଗାଁ ବ୍ଲକ୍ ଶିକ୍ଷା କାର୍ଯ୍ୟାଳୟ ଅଧୀନରେ ଥିବା ନୂଆଗାଁ ପ୍ରାଥମିକ ବିଦ୍ୟାଳୟ ପରିସରରେ ବିଶ୍ଵ ଭିନ୍ନକ୍ଷମ ଦିବସ ପାଳିତ ହୋଇଯାଇଛି। ବି ଆର୍ ସି ସି ଜ୍ୟୋତ୍ସ୍ନାରାଣୀ ସେଠୀ ଙ୍କ ତତ୍ବାବଧାନରେ ଅନୁଷ୍ଠିତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ନୂଆଗାଁ ଗ୍ରାମ ପଞ୍ଚାୟତ ସରପଞ୍ଚ ଅମିତା ପରିଡ଼ା, ସମ୍ମାନୀତ ଅତିଥି ଭାବେ ସମିତି ସଭ୍ୟା ଶ୍ରଦ୍ଧାଞ୍ଜଳୀ ସାସମଲ ପ୍ରମୁଖ ଯୋଗଦେଇ ଭିନ୍ନକ୍ଷମ ଦିବସ ପାଳନ ର ଉଦ୍ଦେଶ୍ୟ ବର୍ଣ୍ଣନା କରିଥିଲେ।ଏହି କାର୍ଯ୍ୟକ୍ରମରେ ସି ଆର୍ ସି ସି କୈଳାସ ନାୟକ, ନୀମେଇ ଚରଣ ସାହୁ ,ବି ଆର୍ ଟି ବିସ୍ମିତା ଗଡପଲା, ଇତିଶ୍ରୀ ତ୍ରିପାଠୀ, ବିଷ୍ଣୁପ୍ରିୟା ଦାଶ,୧୫୦ ରୁ ଉର୍ଦ୍ଧ୍ବ ଛାତ୍ର ଛାତ୍ରୀ,ଅଭିଭାବକ ପ୍ରମୁଖ ଭିନ୍ନକ୍ଷମ ଦିବସ ଉପରେ ସ୍ଲୋଗାନ ଦେବା ସହ ପ୍ଲାକାର୍ଡ ଧରି ଗ୍ରାମ ବଜାର ପରିକ୍ରମା କରିଥିଲେ।
