ଡିସେମ୍ବର ମାସ ଆଉ କିଛି ଦିନ ପରେ ଚାଲିଯିବ, ଏବଂ ନୂତନ ବର୍ଷ ଆସିବ। ଜାନୁଆରି ପହିଲାରୁ କେବଳ ନୂଆ ବର୍ଷ ବଦଳିବ ନାହିଁ, ବରଂ ଆପଣଙ୍କ ଚାରିପାଖରେ ଥିବା ଅନେକ ଗୁରୁତ୍ୱପୂର୍ଣ୍ଣ ଜିନିଷରେ ମଧ୍ୟ ପରିବର୍ତ୍ତନ ଆସିବ । ଏହି ପରିବର୍ତ୍ତନଗୁଡ଼ିକର ସିଧାସଳଖ ପ୍ରଭାବ ସାଧାରଣ ଜନତାଙ୍କ ଜୀବନ ଉପରେ ପଡ଼ିବାକୁ ଯାଉଛି । ରାଶନ କାର୍ଡ ପାଇଁ ଅନଲାଇନ ଆବେଦନ ବ୍ୟବସ୍ଥା ଆରମ୍ଭ କରାଯାଇଛି, ଯାହା ଚାଷୀ ଏବଂ ଗ୍ରାମବାସୀଙ୍କୁ ଆଶ୍ୱସ୍ତି ପ୍ରଦାନ କରିବ। ବ୍ୟାଙ୍କିଂ ନିୟମ ୨୦୨୬ ଏବଂ ଟିକସ ନିୟମ ୨୦୨୬ ଆଇଟିଆର୍ ଫର୍ମ ପରିବର୍ତ୍ତନ କରୁଛି। ଜାନୁଆରୀ ୨୦୨୬ରୁ ଆୟକର ରିଟର୍ନ ଫର୍ମରେ ପରିବର୍ତ୍ତନ ସମ୍ଭବ। ଅଧିକ ତଥ୍ୟ-ଆଧାରିତ ରିପୋର୍ଟିଂ। କ୍ରେଡିଟ ସ୍କୋର ଅପଡେଟ ନିୟମ: ଏପ୍ରିଲ ୨୦୨୬ରୁ, କ୍ରେଡିଟ ସ୍କୋର ୭ ଦିନ ମଧ୍ୟରେ ଅପଡେଟ ହେବ। ପୂର୍ବରୁ, ଏଥିରେ ୧୫ ଦିନ ଲାଗୁଥିଲା। SBI ଭଳି ବ୍ୟାଙ୍କଗୁଡ଼ିକ ଋଣ ସୁଧ ହାର ସଂଶୋଧନ କରିଛନ୍ତି ଏବଂ FD ହାର ହ୍ରାସ କରିଛନ୍ତି, ଯାହାର ପ୍ରଭାବ ୨୦୨୬ରେ ଦୃଶ୍ୟମାନ ହେବ। ଡିଜିଟାଲ୍ ନିରାପତ୍ତାକୁ ଦୃଷ୍ଟିରେ ରଖି ବ୍ୟାଙ୍କଗୁଡ଼ିକ ଏବେ ହ୍ୱାଟସଆପ୍, ଟେଲିଗ୍ରାମ୍ ଏବଂ ସିଗ୍ନାଲ୍ ଭଳି ପ୍ଲାଟଫର୍ମରେ ସିମ୍ ଲିଙ୍କ୍ ଭେରିଫିକେସନ୍ ପ୍ରକ୍ରିୟାକୁ ଅଧିକ କଡ଼ାକଡ଼ି କରିଛନ୍ତି । ଏହା ସହିତ ୟୁପିଆଇ ଏବଂ ଡିଜିଟାଲ୍ ପେମେଣ୍ଟ୍ ନିୟମରେ ମଧ୍ୟ କେତେକ ଟେକ୍ନିକାଲ୍ ପରିବର୍ତ୍ତନ କରାଯାଇଛି । ଆଧାର ଏବଂ ପ୍ୟାନ୍ କାର୍ଡ ଲିଙ୍କ୍ ହେବା ଜରୁରୀ । ଯଦି ଆପଣ ଏପର୍ଯ୍ୟନ୍ତ ଏହି କାମ କରିନାହାନ୍ତି, ତେବେ ନୂଆ ବର୍ଷରୁ ଆପଣଙ୍କୁ ବ୍ୟାଙ୍କିଙ୍ଗ୍ ସେବା ମିଳିବାରେ ଅସୁବିଧା ହୋଇପାରେ କିମ୍ବା ସେବା ବନ୍ଦ ହୋଇଯାଇପାରେ । ତେବେ ନୂଆ ବର୍ଷରୁ ସୋସିଆଲ ମିଡିଆରେ ପିଲାଙ୍କ ଏଣ୍ଟ୍ରି ଉପରେ ଲାଗିବ କଟକଣା । ଅଷ୍ଟ୍ରେଲିଆ ଏବଂ ମାଲେସିଆ ଭଳି ଭାରତରେ ମଧ୍ୟ ୧୬ ବର୍ଷରୁ କମ୍ ବୟସର ପିଲାଙ୍କ ପାଇଁ ସୋସିଆଲ ମିଡିଆ ବ୍ୟବହାର ଉପରେ କଡ଼ା ନିୟମ ଲାଗୁ ହୋଇପାରେ ।
