ନୟାଗଡ ଜିଲ୍ଲା଼ରେ ଦ୍ୱିତୀୟ ଦିନର ଭୋଟ ଗଣତି

ନୟାଗଡ଼,(ଓଡିଶା ଦର୍ପଣ): ଚଳିତ ତ୍ରିସ୍ତରୀୟ ପଂଚାୟତ ନିର୍ବାଚନ-୨୦୨୨ର ଦ୍ୱିତୀୟ ଦିବସରେ ନୟାଗଡ଼ ଜିଲ୍ଲାର ସମସ୍ତ ବ୍ଲକରେ ବିଭିନ୍ନ ଜୋନ୍‌ର ଚାଲିଥିବା ଭୋଟ ଗଣତିର ସନ୍ଧ୍ୟା ୬ଘଟିକା ପର୍ଯ୍ୟନ୍ତ ପ୍ରାପ୍ତ ଫଳାଫଳ । ୨ ନମ୍ବର ଜିଲ୍ଲା ପରିଷଦ ଜୋନ୍‌ର (ଓଡ଼ଗାଁ ବ୍ଲକ) ବିଜେଡି ପ୍ରାର୍ଥୀନୀ ବିରଜାଲକ୍ଷ୍ମୀ ସାହୁ ବିଜେପି ପ୍ରାର୍ଥୀନୀ ସବିତା କରଙ୍କ ଠାରୁ ପ୍ରାୟ ୫୨୦୦ ଭୋଟରେ ଆଗୁଆ ଅଛନ୍ତି । ୬ ନମ୍ବର ଜିଲ୍ଲା ପରିଷଦ ଜୋନ୍‌ର (ଖଣ୍ଡପଡ଼ା ବ୍ଲକ) ସ୍ୱାଧୀନ ପ୍ରାର୍ଥୀନୀ ଉଜ୍ୱଳ ମହାରଣା ବିଜେଡି ପ୍ରାର୍ଥୀନୀ କବିତା ରାଉତଙ୍କ ଠାରୁ ପ୍ରାୟ ୧୬୦୦ ଭୋଟରେ ଆଗୁଆ ଅଛନ୍ତି । ସେହିପରି ୧୦ନମ୍ବର ଜିଲ୍ଲା ପରିଷଦ ଜୋନ୍‌ର(ଦଶପଲ୍ଲା ବ୍ଲକ) ବିଜେଡି ପ୍ରାର୍ଥୀନୀ ସତ୍ୟଭାମା ନାୟକ ବିଜେପି ପ୍ରାର୍ଥୀନୀ ଶ୍ରୀ ସଂଜିତା କୁମାରୀ ନାୟକଙ୍କ ଠାରୁ ପ୍ରାୟ ୨୯୦୦ ଭୋଟରେ ଆଗୁଆ ଅଛନ୍ତି। ୧୩ନମ୍ବର ଜିଲ୍ଲା ପରିଷଦ ଜୋନ୍‌ର(ନୟାଗଡ଼ ବ୍ଲକ) ବିଜେଡି ପ୍ରାର୍ଥୀ ଶ୍ରୀ କ୍ଷିରୋଦ କୁମାର ମହାପାତ୍ର ବିଜେପି ପ୍ରାର୍ଥୀ ନାସିର ଅହମ୍ମଦଙ୍କ ଠାରୁ ପ୍ରାୟ ୨୦୦୦ ଭୋଟରେ ଆଗୁଆ ଅଛନ୍ତି। ସେହିପରି ୧୭ନମ୍ବର ଜିଲ୍ଲା ପରିଷଦ ଜୋନ୍‌ର(ନୂଆଗାଁ ବ୍ଲକ) ବିଜେଡି ପ୍ରାର୍ଥୀନୀ ପ୍ରତିମା ଦଳବେହେରା ବିଜେପି ପ୍ରାର୍ଥୀନୀ ପାର୍ବତୀ ମୁଦୁଲିଙ୍କ ଠାରୁ ପ୍ରାୟ ୨୯୦୦ ଭୋଟରେ ଆଗୁଆ ଅଛନ୍ତି। ୧୯ନମ୍ବର ଜିଲ୍ଲା ପରିଷଦ ଜୋନ୍‌ର( ଭାପୁର ବ୍ଲକ) ବିଜେଡି ପ୍ରାର୍ଥୀ ଶ୍ରୀ ସୁଶାନ୍ତ କୁମାର ସାହୁ ବିଜେପି ପ୍ରାର୍ଥୀ ଶ୍ରୀ କାର୍ତିକ ଚନ୍ଦ୍ର ନାୟକଙ୍କ ଠାରୁ ପ୍ରାୟ ୨୩୦୦ ଭୋଟରେ ଆଗୁଆ ଅଛନ୍ତି। ୨୨ନମ୍ବର ଜିଲ୍ଲା ପରିଷଦ ଜୋନ୍‌ର(ରଣପୁର ବ୍ଲକ) ବିଜେଡି ପ୍ରାର୍ଥୀ ଦେବାଶିଷ ପଟ୍ଟନାୟକ ବିଜେପି ପ୍ରାର୍ଥୀ ମହେନ୍ଦ୍ର କୁମାର ସାହୁଙ୍କ ଠାରୁ ପ୍ରାୟ ୧୫୦୦ ଭୋଟରେ ଆଗୁଆ ଅଛନ୍ତି। ଉପରୋକ୍ତ ଜୋନ୍‌ଗୁଡ଼ିକର ସରପଂଚ, ସମିତି ସଭ୍ୟ ଓ ଓାର୍ଡ଼ ମେମ୍ବରମାନଙ୍କର ଭୋଟ ଗଣତି ଚାଲୁରହିଛି।

ଅଧିକ ପଢନ୍ତୁ