ନୂଆଗାଁ ବ୍ଲକ୍ ର ଐତିହ୍ୟ, କଳା ସଂସ୍କୃତିକୁ ଓ ସହୀଦ ବିରତ୍ୱ ମାଟିକୁ ନେଇ ୩ୟ ସଂଧ୍ୟାରେ ନୂଆଗାଁ ମହୋତ୍ସବ ପଡ଼ିଆରେ ପଞ୍ଚୁପାଣ୍ଡବ ମହୋତ୍ସବ ଓ ପଲ୍ଲୀଶ୍ରୀ ମେଳା ଅନୁଷ୍ଠିତ ହୋଇଯାଇଛି। ଦଶପଲ୍ଲା ବିଧାୟକ ତଥା ମହୋତ୍ସବ କମିଟିର ସଭାପତି ରମେଶ ଚନ୍ଦ୍ର ବେହେରାଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ଜିଲ୍ଲାପରିଷଦ ଅଧ୍ୟକ୍ଷ ଇଂ ଦେବାଶିଷ ପଟ୍ଟନାୟକ ଯୋଗଦେଇ ପଞ୍ଚୁପାଣ୍ଡବ ମହୋତ୍ସବ , ସହିଦ ମାଟିର ବିରତ୍ଵ ଗାଥା ଉପରେ ନିଜ ଚୁମ୍ବକୀୟ ମାଧ୍ୟମରେ ଅତି ସୁନ୍ଦର ଭାବରେ ପ୍ରକାଶ କରିଥିଲେ।
ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଇଂ ଦେବାଶିଷ ପଟ୍ଟନାୟକ,ମୁଖ୍ୟ ବକ୍ତା ଅତିରିକ୍ତ ଜିଲ୍ଲାପାଳ ଦିଲ୍ଲୀପ କୁମାର ବଳ,ବିଶିଷ୍ଟ ଅତିଥି ଏଲିନା ଦାସ , ସମ୍ମାନିତ ଅତିଥି ସୁନନ୍ଦା ସାହୁ,ଉପଖଣ୍ଡ ଆରକ୍ଷୀ ଅଧିକାରୀ ସ୍ନେହାଶିଷ ସାହୁ ,୧୦ ନଂ ଜୋନ୍ ଜିଲ୍ଲାପରିଷଦ ସଭ୍ୟା ସତ୍ୟଭାମା ନାୟକ ପ୍ରମୁଖ ମଞ୍ଚାସିନ ଥିଲେ । ଏଥି ସହିତ ଅତିଥି ଏବଂ ସାମ୍ୱାଦିକ ମାନଙ୍କୁ ଉପଢ଼ୌକନ ଓ ମାନପତ୍ର ସହ ପୁଷ୍ପବୋଚ୍ଛ ଦେଇ ସମ୍ବର୍ଦ୍ଧିତ କରିଥିଲେ ଦଶପଲ୍ଲା ବିଧାୟକ ଶ୍ରୀ ବେହେରା ମହୋଦୟ । ନୂଆଗାଁ କଲେଜର ପୂର୍ବତନ ଅଧ୍ୟକ୍ଷ ଭିକାରୀ ଚରଣ ସ୍ୱାଇଁ ଅତିଥି ପରିଚୟ ପ୍ରଦାନ କରିଥିବା ବେଳେ ରମେଶ ଚନ୍ଦ୍ର ପ୍ରଧାନ ଧନ୍ୟବାଦ ଦେଇଥିଲେ ।
ଅତିଥି ମାନେ ନୂଆଗାଁ ବ୍ଲକ୍ ଏକ ବୀରତ୍ୱର ମାଟି କହିବା ସହ ନୂଆଗାଁ ବ୍ଲକ୍ ର ସ୍ଵାଧୀନତା ସଂଗ୍ରାମୀ ମାନଙ୍କ ବୀରତ୍ୱର ଗାଥା ବର୍ଣ୍ଣନା କରିଥିଲେ।ପଞ୍ଚୁପାଣ୍ଡବ ମହୋତ୍ସବ ପୂଜ୍ୟ ପୂଜା ର ନିଦର୍ଶନ ବୋଲି ଦଶପଲ୍ଲା ବିଧାୟକ କହିଥିଲେ।ବିଭିନ୍ନ ପ୍ରକାରର ଷ୍ଟଲ୍ ପଡିଥିବା ଦେଖିବାକୁ ମିଳିଥିଲା। ଏଥିରେ ଏସଏଚଜି ମାଆ ମାନଙ୍କ ଖାଦ୍ୟ ଠାରୁ ବିଭିନ୍ନ ଉପକରଣ ବିକ୍ରୀ କରୁଥିବା ଦେଖିବାକୁ ମିଳିଥିଲା
