ପାକିସ୍ତାନକୁ AMRAAM କ୍ଷେପଣାସ୍ତ୍ର ଦେବନି ଆମେରିକା। ପାକିସ୍ତାନକୁ ନୂତନ AMRAAM କ୍ଷେପଣାସ୍ତ୍ର ମିଳିବା ରିପୋର୍ଟକୁ ଆମେରିକା ସ୍ପଷ୍ଟ ଭାବରେ ପ୍ରତ୍ୟାଖ୍ୟାନ କରିଛି। ହ୍ୱାଇଟ୍ ହାଉସ୍ କହିଛି ଯେ ଆମେରିକା ପାକିସ୍ତାନକୁ AMRAAM କ୍ଷେପଣାସ୍ତ୍ର ଯୋଗାଇବାକୁ ଯାଉଥିବା ଗଣମାଧ୍ୟମ ରିପୋର୍ଟ ଭିତ୍ତିହୀନ। “AIM-120 ଆଡଭାନ୍ସଡ୍ ମିଡିୟମ୍ ରେଞ୍ଜ” ହେଉଛି ଏୟାର-ଟୁ-ଏୟାର ମିସାଇଲ୍।ଅନ୍ୟପଟେ ପୂର୍ବରୁ ମଧ୍ୟ ପାକିସ୍ତାନ ସେନା ନିକଟରେ ଏହି ମିସାଇଲ ଥିଲା । ତେବେ ବାଲାକୋଟ ଷ୍ଟ୍ରାଇକ ଓ ଅପରେସନ ସିନ୍ଦୂର ବେଳେ ଭାରତୀୟ ସେନାର ଶକ୍ତି ଆଗରେ ହାର ମାନିଥିଲା F-16 । ଏବେ F-16 ବିମାନ ଅତ୍ୟାଧୁନିକ ପାଇଁ ଉଦ୍ୟମ ଆରମ୍ଭ କରିଆସୁଛି ପାକିସ୍ତାନ । ତେବେ ଏଥିରେ ପାକକୁ ବଡ଼ ଝଟକା ଲାଗିଛି । AIM ମିସାଇଲଗୁଡିକର ରେଂଜ ୧୬୦ କିଲୋମିଟର ପର୍ଯ୍ୟନ୍ତ ଥିବା ବେଳେ ଏହା ଫାୟାର ଆଣ୍ଡ ଫରଗେଟ ଗାଇଡାନ୍ସ ସିଷ୍ଟମରେ କାମ କରିଥାଏ । ତେବେ 42 ରୁ ଅଧିକ ଦେଶ ପାଖରେ AIM-120 AMRAAM କ୍ଷେପଣାସ୍ତ୍ର ଅଛି।
