ଯୁବକମାନଙ୍କୁ ନିଯୁକ୍ତି ଦେବା ଲକ୍ଷ୍ୟରେ ପିଏମ୍ ଇଣ୍ଟର୍ନସିପ୍ ସ୍କିମ୍ ଆରମ୍ଭ କରିଛନ୍ତି କେନ୍ଦ୍ର ସରକାର। ଏଥିପାଇଁ ଅକ୍ଟୋବର ୧୨ରୁ ଅନଲାଇନ୍ ଆବେଦନ କରାଯିବ। ଇଣ୍ଟର୍ନସିପ ବର୍ଷେ ହେବ ଏବଂ ଏଥିରେ ମନୋନୀତ ଯୁବକମାନଙ୍କୁ ପ୍ରତି ମାସରେ ୫ହଜାର ଟଙ୍କା ଆର୍ଥିକ ସହାୟତା ଦିଆଯିବ । ଏହା ବ୍ୟତୀତ ନିଜେ ଇଣ୍ଟର୍ନସିପ ଆରମ୍ଭ କଲେ ୬ହଜାର ଟଙ୍କା ପ୍ରଦାନ କରାଯିବ। ଅର୍ଥମନ୍ତ୍ରୀ ନିର୍ମଳା ସୀତାରମଣ ତାଙ୍କ ବଜେଟ ଭାଷଣ ସମୟରେ ଏହି ଯୋଜନା ବିଷୟରେ ସୂଚନା ଦେଇଛନ୍ତି।ପିଏମ୍ ଇଣ୍ଟର୍ଣ୍ଣସିପ୍ ସ୍କିମ୍ ଅଧୀନରେ ଯୁବକମାନେ ଭାରତର ଶ୍ରେଷ୍ଠ ୫୦୦ କମ୍ପାନୀରେ ଇଣ୍ଟର୍ଣ୍ଣସିପ୍ କରିବାର ସୁଯୋଗ ପାଇବେ। ଏହି ଯୋଜନାର ଉଦ୍ଦେଶ୍ୟ ହେଉଛି ଆସନ୍ତା ୫ ବର୍ଷରେ ଦେଶର ୧ କୋଟି ଯୁବକଙ୍କ ଦକ୍ଷତା ବିକାଶ କରିବା। ପିଏମ୍ ଇଣ୍ଟର୍ଣ୍ଣସିପ୍ ପାଇଁ ମନୋନୀତ ପ୍ରାର୍ଥୀଙ୍କୁ ଏକାବେଳକେ ୬ ହଜାର ଟଙ୍କା ଏବଂ ମାସକୁ ୫ ହଜାର ଟଙ୍କା ଆର୍ଥିକ ସହାୟତା ପ୍ରଦାନ କରାଯିବ।PM ଇଣ୍ଟର୍ନସିପ ପାଇଁ ଆଗ୍ରହୀ ପ୍ରାର୍ଥୀମାନେ ଅକ୍ଟୋବର ୧୨ ମଧ୍ୟରାତ୍ରିରୁ www.pminternship.mca.gov.in ୱେବସାଇଟ ରେ ପଞ୍ଜୀକରଣ କରିପାରିବେ। ସଂକ୍ଷିପ୍ତ ତାଲିକାଭୁକ୍ତ ପ୍ରାର୍ଥୀଙ୍କ ତାଲିକା ଅକ୍ଟୋବର ୨୬ ସୁଦ୍ଧା କମ୍ପାନୀମାନଙ୍କୁ ଦିଆଯିବ।
