ଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଗୋପିନାଥପୁର ପଞ୍ଚାୟତରେ ଥିବା ଵାଲିପଦା ପ୍ରକଳ୍ପ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଶ୍ରେଣୀ ଗୃହରେ ନାଚ ଅଭ୍ୟାସ କରୁଥିଲେ ପିଲା। ପିଲାଙ୍କୁ ଗାଇଡ୍ କରିବା ବଦଳରେ ନିଘୋଡ଼ ନିଦରେ ଶୋଇପଡ଼ିଲେ ସାର୍। ସୋଶାଲ ମିଡିଆରେ ସାର୍ଙ୍କର ଶୋଇବାର ଭିଡିଓ ଭାଇରାଲ ହେଉଛି। ’ସୁରଭି’ କାର୍ଯ୍ୟକ୍ରମରେ ପିଲାମାନେ ଭାଗ ନେଇଥିଲେ। ଏଥିପାଇଁ କାର୍ଯ୍ୟକ୍ରମର ପୂର୍ବ ଦିନରେ ପିଲାମାନେ ଶ୍ରେଣୀ ଗୃହରେ ନାଚ ଅଭ୍ୟାସ କରୁଥିଲେ। ପିଲାମାନଙ୍କୁ ଗାଇଡ୍ କରିବା ପାଇଁ ଉକ୍ତ ଶିକ୍ଷକଙ୍କୁ କୁହାଯାଇଥିଲା। ହେଲେ ଶିକ୍ଷକ ଜଣଙ୍କ ନିଘୋଡ଼ ନିଦରେ ଚେୟାର ଉପରେ ଶୋଇପଡ଼ିଥିଲେ। କେହି ଜଣେ ବ୍ୟକ୍ତି ଶିକ୍ଷକଙ୍କ ଶୋଇବା ସମୟର ଭିଡ଼ିଓ ରେକଡିଂ କରି ସୋଶାଲ ମିଡିଆରେ ଭାଇ କରିଦେଇଥିଲା। ଏହି ଘଟଣା ସାମ୍ନାକୁ ଆସିବାପରେ ନିଜ ବିରୋଧରେ ଆସିଥିବା ଅଭିଯୋଗକୁ ଖଣ୍ଡନ କରିଛନ୍ତି ଉକ୍ତ ଶିକ୍ଷକ।ମୋ ଦେହ ଖରାପ ଥିଲା। ମେଡିସିନ ଖାଇଦେଇଥିଲି, ସେଥିପାଇଁ ଆଖି ଲାଗିଯାଇଥିଲା। ମୁଁ ଜାଣିଶୁଣି ଏପରି କରିନାହିଁ ବୋଲି କହିଛନ୍ତି ଶିକ୍ଷକ । ଘଟଣା ସଂପର୍କରେ ସୋଶାଲ ମିଡିଆରୁ ଜଣାପଡ଼ିବା ପରେ ଉକ୍ତ ଶିକ୍ଷକଙ୍କୁ କାରଣ ଦର୍ଶାଅ ନୋଟିସ ପଠାଯାଇଛି। ଘଟଣାର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ନିଆଯିବ।
