ଟ୍ରେନରୁ ମିଳିଲା ଗୁଳି। ପୁରୁଷୋତ୍ତମ ଏକ୍ସପ୍ରେସରୁ ୧୫ ପ୍ୟାକେଟ୍ ଜୀବନ୍ତ ଗୁଳି ଜବତ । ପୁରୀ ରେଳ ଷ୍ଟେସନରୁ ଜବତ ହୋଇଛି ଏହି ଗୁଳି । ସୂଚନା ଅନୁସାରେ ଦୀପାବଳି ପାଇଁ ଷ୍ଟେସନରେ ଜୋରଦାର ଯାଞ୍ଚ ଚାଲିଥିଲା । ଆଉ ଯାଞ୍ଚରୁ ଏହା ଭିତରୁ ୧୫୦ଟି ୮ ଏମଏମ ଗୁଳି ଉଦ୍ଧାର ହୋଇଛି l ଏନେଇ ଆରପିଏଫ ପକ୍ଷରୁ ଜିଆରପି ପୋଲିସକୁ ଅବଗତ କରାଇଥିବାବେଳେ ଜିଆରପି ପୋଲିସ ଏ ସଂକ୍ରାନ୍ତରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି lପୁରୁଷୋତ୍ତମ ଏକ୍ସପ୍ରେସ ଟ୍ରେନ କୋଚ ନମ୍ବର ଏସ – ୨ ସିଟ ନମ୍ବର ୭୩ରୁ ମିଳିଥିଲା ଏହି ଗୁଳି । ଗୋଟିଏ ଗୋଟିଏ ପ୍ୟାକେଟରେ ୧୦ଟି ଗୁଳି ରହିଛି । ୧୫ଟି ପ୍ୟାକେଟରେ ୧୫୦ଟି ଗୁଳି ରହିଥିଲା । ଏହା ସବୁ ୮ ଏମ୍ .ଏମ୍. ଗୁଳି । ଏହା ଉତ୍ତରପ୍ରଦେଶର ଦେଶୀ ଗୁଳି ହୋଇଥିବା ପ୍ରାଥମିକ ତଦନ୍ତରୁ ସନ୍ଦେହ କରାଯାଉଛି ।
