ପୁରୀ ପୋଲିସ ହାତରେ ନକଲି ଗୁମାସ୍ତା । ପୁରୀ ସିଂହଦ୍ଵାର ଓ ଟାଉନ ଥାନା ପୋଲିସ ୧୨ ଜଣ ନକଲି ଗୁମାସ୍ତାଙ୍କୁ ଗିରଫ କରି କୋର୍ଟ ଚାଲାଣ କରିଛି । BNS ଧାରା ୧୧୧ ଅନୁଯାୟୀ ନକଲି ଗୁମାସ୍ତାଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।ପୁରୀ ପୋଲିସ ଏକ ବିଶ୍ୱସ୍ତ ସୂତ୍ରରୁ ସୂଚନା ପାଇଥିଲା ଏବଂ ପରେ ଆରମ୍ଭ କରିଥିଲା ଅପରେସନ । ଅସାମାଜିକ ବ୍ୟକ୍ତି ଏବଂ ଗୁଣ୍ଡା ମାନେ ନିଜକୁ ମନ୍ଦିରର ଗୁମାସ୍ତାର ପରିଚୟ ଦେଇ ପୁରୀକୁ ଦର୍ଶନ ପାଇଁ ଆସି ଭକ୍ତଙ୍କ ଠାରୁ ବେଆଇନ ଭାବରେ ଟଙ୍କା ଆଦାୟ କରିଥିବାର ଅଭିଯୋଗ ହୋଇଥିଲା । ନିୟମିତ ଭାବେ ବଡଦାଣ୍ଡ ଏବଂ ପରିକ୍ରମା ରାସ୍ତାରେ ଏକତ୍ରିତ ହୋଇ ଭକ୍ତମାନଙ୍କୁ ବିଶେଶକରି ଅଣଓଡିଆ ମାନଙ୍କୁ ଟାର୍ଗେଟ କରୁଥିବାର । ଏବଂ ପାରମ୍ପାରିକ ପୋଷାକ ପିନ୍ଧି ଶ୍ରୀଜଗନାଥ ମନ୍ଦିରର ସେବାୟତ ମାନଙ୍କର ପରିଚୟ ଦେଇଥବା ଜଣାପଡିଥିଲା । ଏହି ଖବର ଜଣାପଡିବା ପରେ ପୁରୀ ଏସପି ଏମାନଙ୍କୁ ଧରିବା ପାଇଁ ସ୍ୱତନ୍ତ୍ର ଟିମର ଗଠନ କରିଥିଲେ । ଦୁଇ ଦିନ ଧରି ଏହି ସ୍ୱତନ୍ତ୍ର ପୋଲିସ ଟିମ ବ୍ୟକ୍ତିମାନଙ୍କ କାଯ୍ୟ କଳାପ ଉପରେ ନଜର ରଖିବା ପରେ ଗିରଫ କରାଯାଇଛି । ସେମାନଙ୍କ ନିକଟରୁ ୧୪ଟି ମୋବାଇଲ ଫୋନ ଜବତ କରାଯାଇଛି ।ଶ୍ରୀମନ୍ଦିରକୁ ଆସୁଥିବା ଯାତ୍ରୀ, ଶ୍ରଦ୍ଧାଳୁଙ୍କ ସୁରକ୍ଷା ସହିତ ସୁବିଧାରେ ଦର୍ଶନ ଏବଂ ଠକାମୀର ଯେଭଳି ଶିକାର ନହେବେ ସେ ଦିଗରେ ପୋଲିସ ବିଶେଷ ଦୃଷ୍ଟି ଦେଇଛି ।
