ସୁବର୍ଣ୍ଣପୁର ଜିଲ୍ଲା ବିନିକା ଥାନା ଅଧୀନ ଚୁଲିମାଲ ଗାଁରେ ପୁଲିସ ପିସ୍ତଲର ଗୁଳିରେ ୨ ଜଣଙ୍କର ମୃତ୍ୟୁ ଘଟଣାରେ ଦୁଇ ଅଭିଯୁକ୍ତଙ୍କୁ ଥାନାରେ ଅଟକ ରଖାଯାଇଥିବାର ସୂଚନା ମିଳିଛି। ଏପରିକି ବଚସାରୁ ଏହି ଗୁଳିକାଣ୍ଡ ଘଟିଥିବା ସୂଚନା ମିଳିଛି। ଅନ୍ୟପକ୍ଷେ ପୋଲିସ ଏକ ଖୋଲା ପଡ଼ିଆରୁ ୨ଜଣଙ୍କ ରକ୍ତ ଜୁଡୁବୁଡୁ ମୃତଦେହ ଜବତ କରି ଡାକ୍ତରଖାନା ପଠାଇଛି।ସୂଚନା ଯୋଗ୍ୟ, ଉଭୟ ମୃତକ ବିନିକା ଥାନା ଭଣ୍ଡାର ପଞ୍ଚାୟତ ଚୁଲମାଲ ଗ୍ରାମର ବୋଲି ଜଣାପଡିଛି। ଏପରିକି ମୃତକ ଜଣକ ପୋଲିସ କନ୍ଷ୍ଟେବଲ୍ ହୋଇଥିବା ବେଳେ ସେ ପିଏସ୍ଓ ଥିବା ସୂଚନା ମିଳିଛି।
ମୃତକ ୨ଜଣଙ୍କ ମୁଣ୍ଡରେ ଗୁଳି ବାଜିଛି। ମୃତକ ଦୁଇଜଣ ସମ୍ପର୍କୀୟ ଭାଇ ହୋଇଥିବା ଜଣାପଡିଛି।ତେବେ ଗାଁ ଲୋକଙ୍କ କହିବା ଅନୁସାରେ ମନୋଜ ଓ ଶେଷଦେବଙ୍କ ଆଉ ଜଣେ ଯୁବକ ଘଟଣା ପୂର୍ବରୁ ଦୁଇଭାଇ ସହିତ ଖିଆପିଆ କରିଥିଲେ। କିନ୍ତୁ ତୃତୀୟ ବ୍ୟକ୍ତି କିଏ ଥିଲେ କହିପାରୁ ନାହାନ୍ତି। ସୁବର୍ଣ୍ଣପୁର ଏସ୍ପି ୟଶପ୍ରତାପ ଶ୍ରୀମଲ ପୁଲିସ ଟିମ୍ ନେଇ ଘଟଣାସ୍ଥଳରେ ପହଞ୍ଚିଛନ୍ତି। ଘଟଣାସ୍ଥଳରୁ ଏକ ପିସ୍ତଲ ଜବତ କରିଛନ୍ତି। ପୁଲିସ୍ ଏହି ଘଟଣାରେ ଦୁଇ ଜଣଙ୍କୁ ଅଟକ ରଖି ଅଧିକ ପଚରାଉଚରା ଜାରି ରଖିଛି।
