୨୦୨୪ ନଭେମ୍ବରରେ ରାଜ୍ୟରେ ହୋଇଥିବା ହାତୀ ଗଣନା ପ୍ରକାଶ ପାଇଛି। ରାଜ୍ୟରେ ବର୍ତ୍ତମାନ ୨,୧୦୩ ହାତୀ ଅଛନ୍ତି।ଗତ ତିନି ବର୍ଷରେ ସଂଗୃହିତ ତଥ୍ୟ ଅନୁଯାୟୀ, ରାଜ୍ୟରେ ପ୍ରତିବର୍ଷ ହାରାହାରି ୮୧ଟି ହାତୀ ମୃତ୍ୟୁବରଣ କରନ୍ତି। ଶିକାର, ବିଦ୍ୟୁତ ଆଘାତ, ଟ୍ରେନ୍ ଦୁର୍ଘଟଣା, ସଡ଼କ ଦୁର୍ଘଟଣା, ବିଭିନ୍ନ ରୋଗ, ମଣିଷ-ହାତୀ ସଂଘର୍ଷ ଏବଂ ଝଗଡ଼ା, ପାହାଡ଼ରୁ ପଡ଼ିବା, ବୁଡ଼ିଯିବା ଏବଂ ବାର୍ଦ୍ଧକ୍ୟ ଭଳି ପ୍ରାକୃତିକ କାରଣଗୁଡ଼ିକ ହେଉଛି ଓଡ଼ିଶାରେ ହାତୀ ମୃତ୍ୟୁର ମୁଖ୍ୟ କାରଣ। ତେବେ ରିପୋର୍ଟରୁ ଜଣାପଡିଛି ଯେ ମୟୂରଭଞ୍ଜ ଜିଲାରେ ସର୍ବାଧିକ ୨୯୫ ହାତୀ ଅଛନ୍ତି, ତା’ପରେ ଢେଙ୍କାନାଳ ଜିଲାରେ ୨୯୧ ଏବଂ ଅନୁଗୁଳରେ ୨୫୪ ହାତୀ ଅଛନ୍ତି।
କଟକରେ ୧୩୨ଟି, ଖୋର୍ଦ୍ଧାରେ ୮୩ଟି, ନୟାଗଡ଼ ୫୬ଟି, ବାଲେଶ୍ୱରରେ ୫୪ଟି, କେଉଁଝରରେ ୧୯୫ଟି, ଗଞ୍ଜାମରେ ୯୩ଟି, ଗଜପତିରେ ୯ଟି, କନ୍ଧମାଳରେ ୫୪ଟି, ବୌଦ୍ଧରେ ୧୬ଟି, ବଲାଙ୍ଗୀରରେ ୪୨ଟି, ସମ୍ବଲପୁରରେ ୧୪୦ଟି, କଳାହାଣ୍ଡିରେ ୯୫ଟି, ସୁନ୍ଦରଗଡ଼ରେ ୧୭୯ଟି, ଦେବଗଡ଼ରେ ୧୦୭ଟି, ବରଗଡ଼ ଏବଂ ସୁବର୍ଣ୍ଣପୁରରେ ପ୍ରତ୍ୟେକେ ଏବଂ ରାୟଗଡ଼ା ଓ ଝାରସୁଗୁଡ଼ାରେ ଗୋଟିଏ ଲେଖାଏଁ ହାତୀ ଅଛନ୍ତି।
