ରାୟଗଡ଼ ତା 22.1.2026ରାୟଗଡ଼ ବ୍ଳକ ତରଫରୁ ଗୁରୁବାର ଦିନ ସ୍ଥାନୀୟ ବିଜୁ ପଟ୍ଟନାୟକ ପ୍ରେକ୍ଷ୍ୟାଳୟ ଠାରେ ବନ୍ଦେ ମାତରମ୍ ସାମୁହିକ ଗାନ ଓ ପୁରସ୍କାର ବିତରଣ ଉତ୍ସବ ଅନୁଷ୍ଠିତ ହୋଇଯାଇଛି। ଉପଜିଲ୍ଲାପାଳ ରମେଶ କୁମାର ଜେନା ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମର ଶୁଭ ଉଦଘାଟନ କରିଥିଲେ।ବିଡିଓ ସୁଜିତ କୁମାର ମିଶ୍ର, ଅତିରିକ୍ତ ଜିଲ୍ଲା ଶିକ୍ଷାଧିକାରୀ ଭଜନଲାଲ ମାଝୀ , ଜିଲ୍ଲା ସଂସ୍କୃତି ଅଧିକାରୀ ସୁସ୍ମିତା ବାଉରୀ, ଉପନିର୍ଦ୍ଦେଶକ ତଥା ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ବସନ୍ତ କୁମାର ପ୍ରଧାନ, ଅତିରିକ୍ତ ସୂଚନା ଓ ଲୋକସମ୍ପର୍କ ଅଧିକାରୀ ଦେବରାଜ ଟାକ୍ରୀ, ଏବିଇଓ ଛବିଲାଲ ସିଂ, ବଳରାମ ହୁଇକା ପ୍ରମୂଖ ଯୋଗଦେଇ ଜାତୀୟତା ବୋଧ, ବନ୍ଦେ ମାତରମର ଏକ ଶହ ପଚାଶ ବାର୍ଷିକୀ ପାଳନର ଉଦ୍ଦେଶ୍ୟ ଓ ଆବଶ୍ୟକତା ସହ ବିଦ୍ୟାଳୟ ଅର୍ଥାତ୍ ଛାତ୍ର, ଛାତ୍ରୀଙ୍କ ଭୂମିକା ବିଷୟରେ ଆଲୋଚନା କରିଥିଲେ।
ବନ୍ଦେ ମାତରମ୍ ସାମୁହିକ ଗାନରୁ କାର୍ଯ୍ୟକ୍ରମ ଆରମ୍ଭ ହୋଇଥିଲା। ଗତ ଜାତୀୟ ଯୁବ ଦିବସରେ ପ୍ରତି ବିଦ୍ୟାଳୟରୁ ଚିହ୍ନଟିକୃତ ଦୁଇଶହ ତିରିଶି ଜଣ ଆତ୍ମ ନିର୍ଭର ଭାରତ ଯୁବ ଆମ୍ବାସାଡ଼ରଙ୍କୁ ପରିଚୟ ପତ୍ର ବଣ୍ଟନ କରାଯାଇଥିଲା। ସମ୍ବଳ ବ୍ୟକ୍ତିତ୍ୱ ପ୍ରଭାକର ମିଶ୍ର, ରୀତାରାଣୀ ମିଶ୍ର ଓ ଅର୍ଚ୍ଚନା ଦେବୀ ସିଂ ବନ୍ଦେ ମାତରମ୍ ର ଇତିହାସ ଓ ଶାବ୍ଦିକ ଅର୍ଥ ଓ ବିଶ୍ଲେଷଣ କରିଥିଲେ । ଶେଷରେ ଅନୁଷ୍ଠିତ ବିଭିନ୍ନ ପ୍ରତିଯୋଗିତାର କୃତି ପ୍ରତିଯୋଗୀମାନଙ୍କୁ ପୁରସ୍କାର ବିତରଣ କରାଯାଇଥିଲା। ଅଠେଇଶିଟି ଗ୍ରାମ ପଞ୍ଚାୟତରୁ ପ୍ରାୟ ସାତଶହରୁ ଉର୍ଦ୍ଧ ଛାତ୍ର ଛାତ୍ରୀ, ଶିକ୍ଷକ ଶିକ୍ଷୟିତ୍ରୀ ଓ ଗ୍ରାମ୍ୟ ଯୁବକ ଯୁବତୀ ଯୋଗ ଦେଇଥିଲେ। ଗତ ଜାନୁୟାରୀ ବାର ତାରିଖରେ ବିଦ୍ୟାଳୟ ଓ କଲେଜ ସ୍ତରରେ ରାୟଗଡ ବ୍ଳକ ସ୍ତରରେ ପ୍ରାୟ 37000 ଜଣ ଓ ଜିଲ୍ଲା ରେ ଦୁଇ ଲକ୍ଷ୍ୟରୁ ଉର୍ଦ୍ଧ ବ୍ୟକ୍ତି ବନ୍ଦେ ମାତରମ୍ ସାମୁହିକ ଭାବେ ଗାନ କରାଯାଇଥିବାରୁ ଜିଲ୍ଲା ସଂସ୍କୃତି ଅଧିକାରୀ ସସ୍ମିତା ବାଉରୀ ସଭିଙ୍କୁ ସାଧୁବାଦ ଅର୍ପଣ କରିଥିଲେ।
ଦିବା ଏଗାରଟା ସମୟରେ ମୁଖ୍ୟ ଶାସନ ସଚିବଙ୍କ ପତ୍ର ଅନୁସାରେ ଜାତୀୟ ମତଦାତା ଦିବସ ନିମନ୍ତେ ସଂକଳ୍ପ ପାଠ କରିଥିଲେ।
