ଦେବଗଡ଼ ଜିଲ୍ଲାରେ ଏକ ଲଜ୍ଜାଜନକ ଘଟଣା ସାମ୍ନାକୁ ଆସିଛି । ଜଣେ ବିଧବା ମହିଳାଙ୍କୁ ଗଣବଳାତ୍କାର କରାଯାଇଥିବା ଅଭିଯୋଗ ହୋଇଛି । ଏହି ଘଟଣାରେ ଦେବଗଡ଼ ଟାଉନ ଥାନା ପୋଲିସ ୪ ଜଣ ଅଭିଯୁକ୍ତଙ୍କୁ ଗିରଫ କରିଛି ।ଅଭିଯୋଗ ମୁତାବକ, ମହିଳା ଜଣକ ସାପ୍ତାହିକ ହାଟରୁ ଫେରୁଥିଲେ। କିନ୍ତୁ ବାଟରେ ଅଭିଯୁକ୍ତମାନେ ଲିଫ୍ଟ ଦେବା ବାହାନାରେ ବିଧବା ମହିଳାଙ୍କୁ ପଳମ ନିକଟ ଜଙ୍ଗଲକୁ ନେଇଯାଇଥିଲେ। ସେଠି ଲୁଚି ରହିଥିବା ଅନ୍ୟ ସାଙ୍ଗମାନେ ଜଣେ ପରେ ଜଣେ ମହିଳାଙ୍କୁ ବଳାତ୍କାର କରିଥିଲେ। ଏହା ପରେ ସେହି ସ୍ଥାନ ଛାଡି ଚାଲି ଯାଇଥିଲେ | ତେବେ ସ୍ଥାନୀୟ ଲୋକଙ୍କ ଉଦ୍ଧାର କ୍ରମେ ମହିଳା ଜଣକ ଥାନାରେ ପହଞ୍ଚି ଘଟଣା ସମ୍ପର୍କରେ କହିବା ସହ ଏତଲା ଦେଇଥିଲେ । ତଦନ୍ତ ପରେ ପୋଲିସ ୪ଜଣ ଅଭିଯୁକ୍ତଙ୍କୁ ଗିରଫ କରି ଡାକ୍ତରୀମାଇନା କରି କୋର୍ଟ ଚାଲାଣ କରିଥିବା ସୂଚନା ରହିଛି ।
