ବିଶ୍ବ ଦେଖିଲା ପୁରୀ ପରିକ୍ରମା ପ୍ରକଳ୍ପ । ଏହାର ଉଦ୍ଘାଟନ କୁ ନେଇ ସାରା ରାଜ୍ୟ ଉତ୍ସବମୁଖର । ଭବ୍ୟ ଉତ୍ସବରେ ସାମିଲ ହୋଇଛନ୍ତି ଲକ୍ଷ ଲକ୍ଷ ଓଡ଼ିଆ । ଦର୍ଶନ, ଧର୍ମ ଓ ଜ୍ଞାନର ତ୍ରିବେଣୀ ଉତ୍ସବରେ ଲୀନ ହୋଇଛନ୍ତି କୋଟି କୋଟି ଭକ୍ତ । ପବିତ୍ର ଧାମରେ ଭକ୍ତଙ୍କ ଦର୍ଶନ ସୁଗମ ଲାଗି ମୁଖ୍ୟମନ୍ତ୍ରୀଙ୍କ ସ୍ବପ୍ନ ସାକାର ନେଇ ଶତମୁଖ ହୋଇଛନ୍ତି ଶ୍ରଦ୍ଧାଳୁ ।ପୁରପଲ୍ଲୀରୁ ସହର ସାରା ଜନତା ହୋଇଛନ୍ତି ଏକାକାର ।
ରାଜ୍ୟର ସମସ୍ତ ଅଞ୍ଚଳରେ ଏଲଇଡି ଜରିଆରେ ଏହି ମହାଉତ୍ସବରେ ସାମିଲ ହୋଇଥିଲେ ଶ୍ରଦ୍ଧାଳୁ । ତେବେ ପୁରୀ ଶ୍ରୀ ମନ୍ଦିରରେ ପରିସରରେ ଭକ୍ତିଭାବରେ ବନ୍ଧା ହୋଇଥିଲେ ଭକ୍ତ । ଦୀର୍ଘ ଦିନର ସ୍ବପ୍ନ ପୂରଣ ହେବା ସହ ପରିକ୍ରମା ପ୍ରକଳ୍ପ ପରି ଏକ ଐତିହ୍ୟସମ୍ପନ୍ନ ପ୍ରକଳ୍ପର ଲୋକାର୍ପଣ ଉତ୍ସବରେ ସାମିଲ ହେବା ସହ ରାଜ୍ୟ ସରକାରଙ୍କ ଏହି ଉଦ୍ୟମକୁ ପ୍ରଶଂସା କରିଛନ୍ତି ଭକ୍ତ । ରାଜ୍ୟବାସୀ ନବୀନ ପଟ୍ଟନାୟକଙ୍କୁ ପ୍ରଶଂସା କରୁଛନ୍ତି।
