ନୂଆଗାଁ : ରାଜ୍ୟ ସରକାର କ୍ରୀଡ଼ା କ୍ଷେତ୍ରକୁ ଅଧିକ ଗୁରୁତ୍ୱ ଦେଇ ଯୁବ ଓଡ଼ିଶା ନବୀନ ଓଡ଼ିଶା ମାଧ୍ୟମରେ ଗ୍ରାମାଞ୍ଚଳରେ ଥିବା ଯୁବ କ୍ରୀଡ଼ା ବିତ୍ ମାନଙ୍କୁ ପ୍ରୋତ୍ସାହନ ଦେବା ପାଇଁ ଯୁବ ଓଡିଶା ନବୀନ ଓଡିଶା କାର୍ଯ୍ୟକ୍ରମ ହାତକୁ ନେଇଛନ୍ତି । ଆଜି ନୂଆଗାଁ ବ୍ଲକ ସ୍ତରୀୟ କ୍ରୀଡ଼ା ଉତ୍ସବ ନୂଆଗାଁ ହାଇସ୍କୁଲ ପଡ଼ିଆ ଠାରେ ଉଦ୍ଘାଟିତ ହୋଇଛି ।
ବ୍ଲକ ବିଡ଼ିଓ ବାସୁଦେବ ନାୟକଙ୍କ ଅଧକ୍ଷତାରେ ଅନୁଷ୍ଠିତ କାର୍ଯକ୍ରମରେ
ମୁଖ୍ୟ ଅତିଥି ଭାବେ ଦଶପଲ୍ଲା ବିଧାୟକ ତଥା ବିଜେଡି ଜିଲ୍ଲା ସଭାପତି ରମେଶ ଚନ୍ଦ୍ର ବେହେରା ଯୋଗଦେଇ ଉଦଘାଟନ କରିଥିଲେ। ଶ୍ରୀ ବେହେରା ତାଙ୍କ ବକ୍ତବ୍ୟରେ ସୁସ୍ଥ ଓଡିଶା ଗଠନ ନେଇ କ୍ରୀଡ଼ା ଉତ୍ସବ ସହାୟକ ହେବ ବୋଲି ପ୍ରକାଶ କରିଥିଲେ ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗ୍ରାମାଞ୍ଚଳରେ ଥିବା ଯୁବ ପ୍ରତିଭା ମାନଙ୍କୁ ସାଉଣ୍ଟିବା ପାଇଁ ଏହି ପ୍ରୟାସ ଜାରି କରିଛନ୍ତି । ଛାତ୍ର ଓ ଯୁବକ ମାନେ ସୁସ୍ଥ ଜୀବନ କାଟିବା ପାଇଁ ମନ୍ତ୍ର ଦେଇଥିଲେ l ଅନ୍ୟ ମାନଙ୍କ ମଧ୍ୟରେ ବ୍ଲକ ଅଧ୍ୟକ୍ଷl ଲକ୍ଷ୍ମୀପ୍ରିୟା ବେହେରା, ଜିଲ୍ଲାପରିଷଦ ସଭ୍ୟ ପ୍ରତିମା ଦଳ ବେହେରା , ନୂଆଗାଁ ବ୍ଲକର ବିଭିନ୍ନ ପଞ୍ଚାୟତର ଜନପ୍ରତିନିଧି ସହିତ କ୍ରୀଡ଼ାବିତ୍ ମାନେ ଯୋଗ ଦେଇ ଥିଲେ l କ୍ରିକେଟ ଖେଳରେ 16ଟି ଦଳର ଖେଳାଲୀ ମାନଙ୍କୁ ନେଇ ନୂଆଗାଁ, ସମ୍ପଡା, ମହିପୁର୍ , ଡିମିରିଝରୀ ସ୍ଥାନରେ ଅନୁଷ୍ଠିତ ହୋଇଥିଲା l
