ନୀଳଗିରି ଡେପୁଟି କଲେକଟର ପରୀକ୍ଷିତ ଜେନାଙ୍କ ଘରେ ଭିଜିଲାନ୍ସ ରେଡ୍। ସରକାରୀ ଟଙ୍କା ହଡପ ଅଭିଯୋଗରେ ବିଭିନ୍ନ ଠିକଣାରେ ଚଢ଼ାଉ କରିଛି ଭିଜିଲାନ୍ସ ବିଭାଗ ।ନୀଳଗିରି ବାଳିଗୋହିରୀ ସ୍ଥିତ ଭଡା ଘରେ ଚଢାଉ ଚାଲିଥିବା ବେଳେ ଭଦ୍ରକ ସ୍ଥିତ ନିଜସ୍ୱ ଘର, ମୟୁରଭଞ୍ଜରେ ବି ରେଡ଼ ଚାଲିଥିବାର ସୂଚନା ରହିଛି । ଏକକାଳୀନ ୧୨ଟି ସ୍ଥାନରେ ଜାରି ରହିଛି ଚଢାଉ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ରେଡ୍ ଚାଲିଛି ।ବିଡିଓ ଥିବା ସମୟରେ, ପରୀକ୍ଷିତ ଜେନା ୧ କୋଟି ୧ ଲକ୍ଷ ୩ହଜାର ୨୧୫ ଟଙ୍କା ଠକେଇ କରିଥିବା ନେଇ ପ୍ରମାଣ ମିଳିବା ପରେ ଚଢ଼ାଉ କରିଛି ଭିଜିଲାନ୍ସ ଟିମ୍ ।
ନୀଳଗିରି ବାଲିଗୋହିରୀ ସ୍ଥିତ ଭଡା ଘରେ ଏବଂ ବାରିପଦା ସ୍ଥିତ ଘରେ ଏକାସଙ୍ଗେ ଚାଲିଛି ଚଢାଉ । ଓଡ଼ିଶା ଭିଜିଲାନ୍ସ ବିଭାଗର ୬ଜଣିଆ ଟିମ୍, ୨ଜଣ ଆଡିସନାଲ ଏସପି, ୪ଡିଏସପି, ୬ ଜଣ ଇନସ୍ପେକ୍ଟର, ୭ ଏଏସଆଇଙ୍କ ସମେତ ଅନ୍ୟ ସହଯୋଗୀ ଅଧିକାରୀ ଏହି ଚଢ଼ାଉରେ ସମ୍ପୃକ୍ତି ହୋଇଛନ୍ତି ।
