ରାଜଧାନୀରେ ଚୋରି ପରେ ଜଣେ ମହିଳାଙ୍କୁ ଗଣବଳାତ୍କାର କରିଥିବା ୩ ଅଭିଯୁକ୍ତଙ୍କୁ ମୈତ୍ରୀ ବିହାର ଥାନା ପୋଲିସ ଗିରଫ କରିଛି।ଘଟଣାରେ ୨ ଜଣ ନୁହେଁ ୩ ଜଣଙ୍କ ସଂପୃକ୍ତି ରହିଛି । ତେବେ ୨ ଜଣ ଘର ଭିତରକୁ ଯାଇଥିଲେ, ଜଣେ ବାହାରେ ଥିଲା । ବାହାରେ ଥିବା ଲୋକଟି ୨ ଅଭିଯୁକ୍ତଙ୍କୁ ସହାୟତା କରିଛି ।ସୂଚନାନୁଯାୟୀ, ରବିବାର ରାତିରେ ମୈତ୍ରୀ ବିହାର ଅଞ୍ଚଳରେ ଥିବା ଏକ ଆପାର୍ଟମେଣ୍ଟକୁ ଚୋରି କରିବା ପାଇଁ କିଛି ଦୁର୍ବୃତ୍ତ ଆସିଥିଲେ। ଘର ଆଲମାରି ଭାଙ୍ଗିବା ପାଇଁ ଉଦ୍ୟମ କରିବା ସମୟରେ ଶୋଇଥିବା ମହିଳାଙ୍କ ନିଦ ଭାଙ୍ଗିଯିବା ସହ ତାଙ୍କ ଝିଅ ମଧ୍ୟ ନିଦରୁ ଉଠିଯାଇଥିଲେ। ଲୁଟେରାମାନେ ମା-ଝିଅଙ୍କୁ ଛୁରି ଦେଖାଇ ଲୁଟ୍ କରିବା ପରେ ମହିଳାଙ୍କୁ ଗଣବଳାତ୍କାର କରିଥିଲେ।
