ଝିଅ ଠାରୁ ପ୍ରେରଣା ପାଇଁ ଆଗକୁ ବଢିଲେ ବାପା। ବିଦେଶରେ ପାଇଲେ ସଫଳତା। ମାଲଦ୍ବୀପରେ ୭୫ତମ ମାଇଲଖୁଣ୍ଟ ସ୍ଥାପନ କରିବାକୁ ୧୦୦ ଫୁଟ ଗଭୀରକୁ ଯାଇ ରାଜ୍ୟ ପାଇଁ ଆଣିଛନ୍ତି ଗୌରବ।ଏହି ଡାଇଭ୍ ବ୍ୟତୀତ ସେ ଅନେକ କଷ୍ଟକର ଡାଇଭ୍ ପୂର୍ବରୁ କରି ସାରିଛନ୍ତି । ବର୍ତ୍ତମାନ ସୁଦ୍ଧା ୭୭ଟି ସ୍କୁବା ଡାଇଭିଂ କରି ୫୨ ଘଣ୍ଟାରୁ ଅଧିକ ସମୟ ପାଣି ଭିତରେ ସମୟ ବିତାଇଛନ୍ତି ପ୍ରିୟଦର୍ଶୀ । ପ୍ରିୟଦର୍ଶୀ କହିଛନ୍ତି, ‘ସ୍କୁବା ଡାଇଭିଂ ମୋ ପାଇଁ ଏକ ଅଦ୍ଭୁତ ଯାତ୍ରା । ପ୍ରତ୍ୟେକ ଡାଇଭ୍ ଏକ ନୂଆ ଓ ସାହସିକ ଅନୁଭୂତିରେ ଭରପୁର ରହିଥାଏ | ସମୁଦ୍ର ଭିତରର ଅଦ୍ଭୁତ ଜୀବ ଏବଂ ସୁନ୍ଦର ଉଭିଦ ମୋର ଉତ୍ସାହକୁ ବଢ଼ାଇ ଥାଆନ୍ତି ।ତେବେ ଏହି ସଫଳତାର ସମସ୍ତ ଶ୍ରେୟ ସେ ନିଜ ଝିଅ ଟିସ୍ୟାଙ୍କୁ ଦେଇଛନ୍ତି।
ତାଙ୍କ ଝିଅ ଯେଭଳି କମ୍ ବୟସରେ ନିଜ କଠିନ ପରିଶ୍ରମ ବଳରେ ରେକର୍ଡ କରିଛନ୍ତି, ତାକୁ ଦେଖି ସେ ଉତ୍ସାହିତ ହୋଇ ଏଭଳି ଚ୍ୟାଲେଞ୍ଜ ଗ୍ରହଣ କରିଥିବା କହିଛନ୍ତି। ସମ୍ବଲପୁରରେ ଜନ୍ମ ହୋଇଥିବା ପ୍ରସିଦ୍ଧ ଏବଂ ଯୁବ ସ୍କୁବା ଡାଇଭର୍ ଟିସ୍ୟା ପାଣିଗ୍ରାହୀଙ୍କ ବାପା ହେଉଛନ୍ତି ପ୍ରିୟଦର୍ଶୀ ପାଣିଗ୍ରାହୀ । ତାଙ୍କ ଝିଅ ଟିସ୍ୟା, ଏବେ ୧୪ ବର୍ଷର । ୨୦୨୦ ରେ ୧୦ ବର୍ଷ ବୟସରେ ଓଡିଶାର ସବୁଠୁ କମ୍ ବୟସ୍କ ସ୍କୁବା ଡାଇଭର୍ ହୋଇ ସେ ଇତିହାସ ରଚିଥିଲେ।
