ଝୁଲନ୍ତା ଅବସ୍ଥାରେ ମିଳିଲା ଜେଲ୍ ୱାର୍ଡରଙ୍କ ମୃତଦେହ। ଜେଲ୍ ନିକଟ ବାରାକରୁ ଉଦ୍ଧାର ହୋଇଛି ମୃତଦେହ। ଏପରି ଏକ ଚାଞ୍ଚଲ୍ୟକର ଘଟଣା କେନ୍ଦ୍ରାପଡା ସଦର ଥାନା ଅନ୍ତର୍ଗତ ବାରିମୂଳରେ ଘଟିଛି। ତେବେ ଏହା ପଛର କାରଣ ଜଣାପଡ଼ିନି | ତାଙ୍କ ଘର ଆଠଗଡ଼ ର ଗୁରିଡିଝାଟିଆ ରେ ବୋଲି ଜଣାପଡିଛି । ଖବର ପାଇ ତାଙ୍କ ପରିବାର ଲୋକେ କେନ୍ଦ୍ରାପଡା ରେ ପହଞ୍ଚନ୍ତି । ତେବେ ବିଜୟଙ୍କୁ ହତ୍ୟା କରାଯାଇଥିବା ତାଙ୍କ ପରିବାର ଲୋକେ ଅଭିଯୋଗ କରିଛନ୍ତି । ବିଜୟଙ୍କ ମୃତ୍ୟୁ ଏକ ପ୍ରେମ ଜନିତ ହତ୍ୟାକାଣ୍ଡ ବୋଲି ପରିବାର ଲୋକେ କହିଛନ୍ତି । ବିଜୟ ବିବାହିତ ହୋଇଥିବା ବେଳେ ତାଙ୍କର ୩ ବର୍ଷର ଝିଅଟିଏ ଅଛି । ବିବାହ ପୂର୍ବରୁ ନିକଟ କପୁରସିଂ ଅଞ୍ଚଳର ଏକ ଝିଅ ରଶ୍ମିରେଖା ସହିତ ପ୍ରେମ ସମ୍ପର୍କ ଥିଲା ପରବର୍ତ୍ତୀ ସମୟରେ ବିଜୟ ଙ୍କୁ ବ୍ଲାକମେଲ କରିବା ସହିତ ବିଭିନ୍ନ ସମୟରେ ମାନସିକ ନିର୍ଯ୍ୟାତନା ଦେଉଥିଲେ । ଏମିତି କି ରଶ୍ମିରେଖା ଓ ତାଙ୍କ ପରିବାର କେନ୍ଦ୍ରାପଡ଼ା ଜେଲ ପାଖକୁ ଆସି ବିଜୟ ଙ୍କୁ ମାଡ଼ ମାରିବା ସହିତ ଧମକ ମଧ୍ୟ ଦେଉଥିଲେ ବୋଲି ବିଜୟଙ୍କ ଦାଦା ଅଭିଯୋଗ କରିଛନ୍ତି ।
