ରାଜ୍ୟରେ ଏବେ କାର୍ଯ୍ୟକାରୀ ହେଉଥିବା ‘ମହାପ୍ରୟାଣ’ ଯୋଜନା ମାଗଣା ନୁହେଁ। କିଛି ଜିଲ୍ଲାରେ ଏହା ରେଡ୍କ୍ରସ ଦ୍ଵାରା ପରିଚାଳିତ ହେଉଥିବା ବେଳେ ଆଉ କିଛି ଜିଲ୍ଲାରେ ଏହା ଜିଲ୍ଲାପାଳଙ୍କ ଅଧୀନରେ ରହିଛି । ଏହା ବ୍ୟବସ୍ଥିତ ନ ଥିବାରୁ ମହାପ୍ରୟାଣକୁ ସଂପୂର୍ଣ୍ଣ ବନ୍ଦ କରାଯିବ, ନୂଆ ଶବ ବାହନ ବ୍ୟବସ୍ଥା କିଭଳି ଢଙ୍ଗରେ ପରିଚାଳିତ ହେବ ସେଥିପାଇଁ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ଏକ ବୈଠକ ହୋଇଥିଲା । ନୂଆ ବ୍ୟବସ୍ଥାରେ ଶବ ପରିବହନ ପାଇଁ ଜିଲ୍ଲାମାନଙ୍କୁ ଗାଡ଼ି ଯୋଗାଇ ଦିଆଯିବ । ତେବେ ୧୦୮ ଆମ୍ବୁଲାନ୍ସରେ ମାଗଣାରେ ଚିକିତ୍ସା ପାଇଁ ସରକାରୀ ଡାକ୍ତରଖାନାକୁ ଆସୁଛନ୍ତି ରୋଗୀ । କିନ୍ତୁ ଶବବାହନ ସେବା ବ୍ୟବସ୍ଥାରେ ମୃତକଙ୍କୁ ମାଗଣାରେ ଘରେ ପହଞ୍ଚାଇବାର ବ୍ୟବସ୍ଥା କରିବେ ସରକାର । ଆରମ୍ଭରୁ ଏହି ଶବ ବାହନ ସେବାର ନମ୍ବର ୧୦୯ ରହିବା ନେଇ ସରକାରୀ ସ୍ତରରେ ଆଲୋଚନା ହେଉଥିଲା । ମାତ୍ର ବର୍ତ୍ତମାନସୁଦ୍ଧା କୌଣସି ନମ୍ବର ସ୍ଥିର ହୋଇନାହିଁ ।
