ରାୟଗଡ଼ ତା ୧୭/୦୩ ପ୍ରତିବର୍ଷ ଚୈତ୍ର ମାସ ଶୁକ୍ଳ ପକ୍ଷରେ ହୁଏ ମାଁ ମଝିଘରିଆଣୀଙ୍କ ଝାମୁ ଯାତ୍ରା । ଏହି ଅବସରରେ ମାଁ ଙ୍କର ଦର୍ଶନ ପାଇଁ ବହୁ ଦୂରଦୂରାନ୍ତରୁ ଭକ୍ତ ଶ୍ରଦ୍ଧାଳୁଙ୍କ ଭିଡ଼ ଜମେ। ଚଳିତ ବର୍ଷ ରାୟଗଡ଼ର ପ୍ରସିଦ୍ଧ ଠାକୁରାଣୀ ମାଁ ମଝିଘରିଆଣିଙ୍କ ମନ୍ଦିରରେ ଆରମ୍ଭ ହେବା ଝାମୁ ଯାତ୍ରା। ଏଥିପାଇଁ ସଜବାଜ ପ୍ରକ୍ରିୟା ଆରମ୍ଭ ହୋଇଥିବା ବେଳେ ଆଜି ମନ୍ଦିର ପ୍ରାଙ୍ଗଣରେ ଶୁଭଖୁଣ୍ଟି ସ୍ଥାପନ ହୋଇଛି। ଚୈତ୍ର ମାସ କୃଷ୍ଣ ପକ୍ଷ ତୃତୀୟାରେ ଶୁଭବେଳା ନିର୍ଣ୍ଣୟ କରି ମନ୍ଦିରର ରାଜ ପୁରୋହିତ ବିରଞ୍ଚି ନାରାୟଣ ଦାଶଙ୍କ ପୌରହିତ୍ୟରେ ମଝିଘରିଆଣୀ ମାଁ’ଙ୍କ ମୁଖ୍ୟ ପୂଜକ ଚନ୍ଦ୍ର ପୂଜାରୀଙ୍କ ଉପସ୍ଥିତିରେ ଏହି କାର୍ଯକ୍ରମ ଅନୁଷ୍ଠିତ ହୋଇଯାଇଛି।
ଶୁଭ ଖୁଣ୍ଟିକୁ ନୀତି ଅନୁଯାୟୀ ଆଣି ମନ୍ଦିର ପ୍ରାଙ୍ଗଣରେ ସମସ୍ତ ନିତିକାନ୍ତି ଅନୁଯାୟୀ ପ୍ରତିଷ୍ଠା ହୋଇଛି । ଯାହାକି ମାଁ ଙ୍କ ଝାମୁଯାତ୍ରା ବା ଚୈତ୍ର ପର୍ବ ଚଳିତ ମାସ ଶୁକ୍ଳ ପକ୍ଷ ଦଶମୀଠାରୁ ପୂର୍ଣ୍ଣମୀ ପର୍ଯ୍ୟନ୍ତ ଅନୁଷ୍ଠିତ ହେବ । ଏହି ପରିପ୍ରେକ୍ଷିରେ ମନ୍ଦିର ଟ୍ରଷ୍ଟ ବୋର୍ଡର ସଭାପତି ରାଇସିଂ ବିଡିକା ଓ ସମସ୍ତ ସଦସ୍ୟ ଉପସ୍ଥିତ ଥିଲେ । ଏହି ଅବସରରେ ମାଁ ଭକ୍ତ ଓ ଶ୍ରଦ୍ଧାଳୁଙ୍କୁ ସୁସଜ୍ଜିତ ହୋଇ ଦର୍ଶନ ଦେବା ସହ ସମାଜ କଲ୍ୟାଣ ପାଇଁ ପାଞ୍ଚ ଦିନ ପଞ୍ଚଯଜ୍ଞ କରାଯାଇ ମାଁଙ୍କର ସାନ୍ନିଧ୍ୟ ଲାଭ କରି ପାରିବେ ବୋଲି ମନ୍ଦିରର ମୁଖ୍ୟ ପୂଜକ ଚନ୍ଦ୍ର ପୂଜାରୀ କହିଛନ୍ତି।
