ଶିମିଳିପାଳ ଅଭୟାରଣ୍ୟ ଭିତରେ କୁଙ୍କି ହାତୀ ଭବାନୀର ମୃତ୍ୟୁ । ଅଭୟାରଣ୍ୟ ଭିତରେ ଜେନାବିଲ ଠାରେ ତାକୁ ରଖାଯାଇଥିଲା ଗତ ୨୦୦୧ ମସିହା ରେ ଶିମିଳିପାଳକୁ ଏକ ସାଙ୍ଗରେ କର୍ଣ୍ଣାଟକରୁ ତିନୋଟି ହାତୀ ଶୋଭା ଭବାନୀ ଓ ମହେନ୍ଦ୍ରକୁ ଅଣାଯାଇଥିଲା । ଗତ କିଛି ମାସ ପୂର୍ବରୁ ଶୋଭାର ମୃତ୍ୟୁ ହୋଇଥିବା ବେଳେ ଗତ ଜାନୁଆରୀ ୧୨ ତାରିଖ ରେ ମହିନ୍ଦ୍ରାର ମୃତ୍ୟୁ ହୋଇଥିଲା । ତେବେ ଆଜି ଭବାନୀର ମୃତ୍ୟୁ ସମ୍ପର୍କରେ ଖବର ପାଇ ପରିବେଶବିତ୍ ମାନେ ଉଦବେଗ ପ୍ରକାଶ କରିଛନ୍ତି ।ତେବେ ଶୁଣିବାକୁ ମିଳୁଥିଲା ଯେ, ଶିମିଳିପାଳର ନାୟିକା ଭବାନୀ କୁଆଡେ କୁମକୀ ହାତୀ ମହେନ୍ଦ୍ରର ପ୍ରେମରେ ପଡିଥିଲା । ଭବାନୀ ପାଇଁ ମହେନ୍ଦ୍ର ଥିଲା ତା’ର ମନର ନାୟକ । ମହେନ୍ଦ୍ର ଯୁଆଡେ ଯାଏ ସାଙ୍ଗରେ ଭବାନୀ ମଧ୍ୟ ଯାଏ ।
କେବଳ ଭବାନୀ ନୁହେଁ ମହେନ୍ଦ୍ରର ଆଉ ଜଣେ ମଧ୍ୟ ନାୟିକା ଥିଲା । କୁମକୀ ହାତୀ ଶୋଭା । ତେବେ ଭବାନୀ ଶିଲିଡ଼ିପାଳର ରକ୍ଷକ ଥିଲା । ଶିକାରୀଙ୍କ ପ୍ରାଦୁର୍ଭାବରୁ ଶିମିଳିପାଳକୁ ରକ୍ଷା କରୁଥିଲା ଭବାନୀ । କେବଳ ଶିକାରୀ ମାନଙ୍କ କବଳରୁ ନୁହେଁ ପଡୋଶୀ ଜଙ୍ଗଲରୁ ଆସୁଥିବା ଜଙ୍ଗଲୀ ହାତୀ ମାନଙ୍କୁ ମଧ୍ୟ ଘଉଡାଉଥିଲା ଭବାନୀ । ଏପରିକି ବାଘ ଟ୍ରାକିଂ ତଥା ଜଙ୍ଗଲ ମଧ୍ୟକୁ ଯିବାକୁ ହେଲେ ଖୋଜା ପଡୁଥିଲା ସମସ୍ତଙ୍କ ପ୍ରିୟ ଭବାନୀ ।
