ପାଟଣାଗଡ଼: ସୋଲାର ଚାଳିତ ନଳକୂପ ଭିତରକୁ ଏକ ବିଷାକ୍ତ ସାପ ପଶି ମରିଯାଇଥିବାରୁ ନୂଳକୂପ ରୁ ବାହାରୁଛି ଦୂର୍ଗନ୍ଧ ବିଷାକ୍ତ ପାଣି। ଫଳରେ ପାଣି ପିଇବେ କି ନାଇଁ ଭୟରେ ରହିଛନ୍ତି ଗ୍ରାମବାସୀ । ଏଭଳି ଏକ ଘଟଣା ସାମ୍ନା କୁ ଆସିଛି ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଳକ ରେଙ୍ଗାଲଜୁରୀ ଗାଁ ରୁ । ଗାଁ ର କେତେ ଜଣ ମହିଳା ନୂଳକୁପ କୁ ପାଣି ଆଣିବାକୁ ଯାଇଥିବା ବେଳେ ଏକ ସାପ ନଳକୂପ ଉପରେ ବୁଲୁଥିବା ଦେଖିବାକୁ ପାଇଥିଲେ। ମହିଳା ମାନଙ୍କୁ ଦେଖି ସପା ଟି ନଳକୂପ ଭିତରକୁ ପଶିଯାଇଥିଲା। ମହିଳା ମାନେ ଭୟରେ ପାଣି ନ ଆଣି ଘରକୁ ଫେରି ଆସିଥିଲେ। ସାପ ପଶିଥିବା କଥା ଗାଁ ରେ ପ୍ରଘଟ ହେବା ପରେ। ନୂଳକୂପ ପାଣି ରୁ ପାଣି ନ ଆଣିବାକୁ ଗାଁ ର ସମସ୍ତ କୁ ମନା କରାଯାଇଦିଆଯାଥିଲା । ଦୁଇ ତିନିଦିନ ଗଲା ପରେ ସାପ ନଳକୂପ ରୁ ବାହାରି ପଲାଯାଇଥିବ ଭାବି ଗ୍ରାମର ବିପିନ ବରିହା ବାଲ୍ଟି ଧରି ପାଣି ଆଣିବାକୁ ଯାଇଥିଲେ। ବାଲ୍ଟି ରେ ପାଣି ଧରି ଘରକୁ ଆଣିବା ପରେ ବାଲ୍ଟି ର ପାଣି ଦୂର୍ଗନ୍ଧ ହେଉଥିବା ଦେଖିବାକୁ ପାଇଥିଲେ।
ସାପ ଟି ନଳକୂପ ଭିତରେ ମରିଯାଇଛି ତେଣୁ ଦୂର୍ଗନ୍ଧ ବିଷାକ୍ତ ପାଣି ବାହାରୁଥିବାରୁ ଗାଁ ଲୋକେ ଭୟଭୀତ ହେବା ସାଙ୍ଗକୁ ପାନୀୟ ଜଳର ଘୋର ଅସୁବିଧା ର ସମୁଖୀନ ହେଉଛନ୍ତି। ଗାଁ ରେ ୫ ଶହ ରୁ ଉର୍ଦ୍ଧ୍ବ ଲୋକେ ବସବାସ କରୁଥିବା ବେଳେ ଗାଁ ରେ ଏହି ନଳକୂପ ଟି ପାନୀୟ ଜଳ ଉପଯୋଗୀ। ଗାଁ ର ଅଧିକାଂଶ ଲୋକେ ଏହି ନଳକୂପ ର ପାଣି ବ୍ୟବହାର କରିଥାନ୍ତି। ବର୍ତ୍ତମାନ ପାନୀୟ ଜଳ ପାଇଁ ସ୍କୁଲ ଭିତରେ ଥିବା ନଳକୂପ ର ପାଣି ବ୍ୟବହାର କରୁଛନ୍ତି। ଯାହାଫଳରେ କି ସ୍କୁଲ ଛାତ୍ରଛାତ୍ରୀଙ୍କ ପାଠପଢା ରେ ବାଧାପ୍ରାପ୍ତ ହେଉଛି। ସାପ ପଶି ମରିଯାଇପଡି ଥିବା ନଳକୂପ ର ପାଣି ପରିକ୍ଷା କରାଯାଇ ଲୋକମାନେ ପିଇବା ଉପଯୋଗୀ କି ନାହିଁ ସେ ଦିଗରେ ପଦକ୍ଷେପ ନେବାକୁ ସ୍ଥାନୀୟ ସରପଞ୍ଚ ଶୁଶିଲ କୁମାର ଗୁରୁ, ବିଡ଼ିଓ, ବିଭାଗୀୟ ଉଚ୍ଚ କର୍ତ୍ତୃପକ୍ଷ ଦୃଷ୍ଟି ଦେବାକୁ ଗ୍ରାମବାସୀ ମାନେ ଦାବୀ କରିଛନ୍ତି।