ନୟାଗଡ଼,(ଓଡ଼ିଶା ଦର୍ପଣ): ନୟାଗଡ଼ ମୋଟର ଆସୋସିଏସନର ପୂର୍ବତନ ସଭାପତି, ନୟାଗଡ଼ ଏନ. ଏ. ସି.ର ପ୍ରଥମ କାଉନସିଲର, ନୟାଗଡ଼ର ପ୍ରଥମ ଫୁଟବଲ ଖେଳାଳି,ମର୍ସିଡ଼ିଜବେଞ୍ଜ ଟ୍ରକର ପ୍ରଥମ ମାଲିକ, ନୟାଗଡ଼ର ପ୍ରଥମ ସରକାରୀ ସ୍ବୀକୃତିପ୍ରାପ୍ତ ଶିକାରୀ ଅନୁର୍ଯ୍ୟାମୀ ଦାସଙ୍କ ୯୨ ବର୍ଷ ବୟସରେ ନୟାଗଡ଼ ତ୍ରିନାଥ ଛକ ସ୍ଥିତ ବାସଭବନରେ ଶନିବାର ରାତିରେ ପରଲୋକ ହୋଇ ଯାଇଛି | ସମସ୍ତଙ୍କ ଅତ୍ୟନ୍ତ ମେଳାପୀ, ସ୍ନେହୀ ଥିବା ନୟାଗଡ଼ର ଏହି ବରିଷ୍ଠ ନାଗରିକଙ୍କ ପରଲୋକରେ ଚାରିଆଡେ ଶୋକର ଛାୟା ଖେଳି ଯାଇଥିବା ବେଳେ ଏହି ଦୁଃଖଦ ଖବର ପାଇ ନୟାଗଡ଼ ବିଧାୟକ ଡ଼ ଅରୁଣ କୁମାର ସାହୁ, ପୂର୍ବତନ ବିଧାୟକ ସତ୍ୟ ନାରାୟଣ ପ୍ରଧାନ, ମୁନିସିପାଲିଟିର ଅଧ୍ୟକ୍ଷା ନିରୁପମା ଖଟେଇ, ଉପାଧ୍ଯକ୍ଷ ଗୁରୁପ୍ରସାଦ ଜେନା ପ୍ରମୁଖ ଗଭୀର ଶୋକ ପ୍ରକାଶ କରିଛନ୍ତି ।
