ମହଙ୍ଗା ପଡ଼ିଲା ରାଗିଂ। ୭ ଛାତ୍ର ଓ ଦୁଇ ଛାତ୍ରୀଙ୍କୁ ନିଲମ୍ୱିତ କରିଛି ନବୋଦୟ ସ୍କୁଲ କର୍ତ୍ତୃପକ୍ଷ। ନିଲମ୍ୱିତ ହୋଇଥିବା ଛାତ୍ରଛାତ୍ରୀମାନେ ସ୍କୁଲ ଆସିପାରିବେ ନାହିଁ। ହଷ୍ଟେଲ୍ରେ ମଧ୍ୟ ରହିପାରିବେନି। ତେବେ ଏଭଳି ଅଭିଯୋଗ ଆସିଛି ନୂଆପଡ଼ା ତରବୋଡ଼ ନବୋଦୟ ବିଦ୍ୟାଳୟରୁ। ୭ ଜଣ ଦ୍ଵାଦଶ ଶ୍ରେଣୀର ଛାତ୍ର ଦଶମ ଶ୍ରେଣୀ ଛାତ୍ର ରହୁଥିବା ହଷ୍ଟେଲରେ ପଶି ପିଲାଙ୍କୁ ମାଡ଼ ମାରିଥିବା ଅଭିଯୋଗ ହୋଇଛି।
୨୨ ଜଣ ଛାତ୍ର ଉପର ଶ୍ରେଣୀ ଛାତ୍ରଙ୍କଠାରୁ ମାଡ଼ ଖାଇଥିବା ଅଭିଯୋଗ କରିଛନ୍ତି। ଗୁରୁବାର ଥିଲା ଗୁରୁଦିବସ। ସ୍କୁଲର ନିୟମ ଅନୁସାରେ ନବୋଦୟର ଦ୍ୱାଦଶ ଶ୍ରେଣୀର ଦୁଇ ଜଣ ଛାତ୍ରୀ ଗୁରୁମା ବେଶରେ ଦଶମ ଶ୍ରେଣୀକୁ ପାଠ ପଢ଼ାଇଥିଲେ। ଅଭିଯୋଗ ଅନୁସାରେ ପାଠ ପଢ଼ାଇବା ବେଳେ ଦଶମ ଶ୍ରେଣୀର କିଛି ଛାତ୍ର ସେମାନଙ୍କୁ କମେଣ୍ଟ ମାରିଥିଲେ। ଛାତ୍ରୀ ଦୁଇ ଏନେଇ ତାଙ୍କ ସାଙ୍ଗ ଓ ସାଥୀଙ୍କୁ କହିଥିଲେ। ଏକଥା ଶୁଣିବା ପରେ ଦ୍ୱାଦଶ ଶ୍ରେଣୀର ଛାତ୍ରଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା।
