ଡେରାବିଶ ବ୍ଲକ ବାଲିଆ ପଞ୍ଚାୟତରେ କୁକୁଡ଼ା ମଡ଼କ ଦେଖିବାକୁ ମିଳିଛି। ଏଣ୍ଡର, ନରସିଂହପୁର, ତିଲଙ୍ଗରେ ବ୍ୟାପକ କୁକୁଡ଼ା ମରି ପଡ଼ିଥିବା ସୂଚନା ମିଳିଛି। ପ୍ରତିଦିନ ଶହ ଶହ ସଂଖ୍ୟାରେ କୁକୁଡା ମରି ଏଣେ ତେଣେ ପଡୁଛି । ତେବେ ଫାର୍ମ ମାଲିକ ମାନେ ମରୁଥିବା କୁକୁଡା ସବୁକୁ ଲୁଚା ଛପାରେ ବିଭିନ୍ନ ଅଞ୍ଚଳରେ ଫୋପାଡି ଦେଉଛନ୍ତି । ସେ ସବୁକୁ କାଉ କୁକୁର ଟାଣି ଖାଉଥିବା ଚିତ୍ର ମଧ୍ୟ ସାମ୍ନାକୁ ଆସିଛି । ଏମିତିକି ରୋଗାକ୍ରାନ୍ତ ହୋଇ ପଡିରହିଥିବା କୁକୁଡା ଗୁଡିକୁ କେତେକ ସ୍ଥାନରେ ଶସ୍ତା ଦାମରେ ବିକ୍ରି କରି ଦିଆଯାଉଛି ।
ଏ ନେଇ ସ୍ଥାନୀୟ ଲୋକେ ଭୟଭୀତ ଅବସ୍ଥାରେ ଅଛନ୍ତି । ଏହି ଅଞ୍ଚଳରେ ଥିବା ଅନେକ ଫାର୍ମରେ ବହୁ କୁକୁଡ଼ାଙ୍କ ମୃତ୍ୟୁ ହେଉଥିବାରୁ ଏଠାରେ ବାର୍ଡ ଫ୍ଲୁ ଆଶଙ୍କା କରାଯାଉଛି। ସ୍ଥାନୀୟ ପ୍ରଶାସନ ଏ ଦିଗରେ ସ୍ବତନ୍ତ୍ର ଦୃଷ୍ଟି ଦେବା ପାଇଁ ନିବେଦନ କରାଯାଇଛି। ବାସ୍ତବରେ କେନ୍ଦ୍ରାପଡାରେ ବାର୍ଡ ଫ୍ଲୁ ବ୍ୟାପୁଛି ନା କୁକୁଡା ମଡକ ପଛରେ ଅନ୍ୟ କିଛି କାରଣ ରହିଛି ତାହା ସ୍ପଷ୍ଟ ହୋଇନାହିଁ ।
