ଭୁବନେଶ୍ୱର ବିମାନ ବନ୍ଦରରୁ ପୁଣି ଜବତ ହେଲା ୨୦ କେଜି ସୁନା। ମୁମ୍ବାଇରୁ ଆସୁଥିବା ଇଣ୍ଡିଗୋ ବିମାନରୁ ସୁନା ଜବତ କରିଛି CT & GST। ୨୦କେଜି ସୁନାରୁ ୧୬କେଜି ସୁନାର ହିସାବ ଆପାତତ ଠିକ୍ ଥିବା ବେଳେ ୪କେଜି ସୁନାର ହିସାବ ମେଳ ଖାଉନାହିଁ। ସଂପୃକ୍ତ ବ୍ୟବସାୟୀଙ୍କୁ ଡାକି ପଚରାଉଚରା କରାଯାଉଛି। ଟ୍ୟାକ୍ସ ଇନ ଭଏସ ଓ ଉପଯୁକ୍ତ ବିଲ ନଦେଖେଇ ପାରିବାରୁ ଜବତ ହୋଇଛି ସୁନା ଅଳଙ୍କାର । ସିକୁଏଲ ଲଜିସ୍ଟିକ ସଂସ୍ଥା ଆଣୁଥିଲା ସୁନା ଅଳଙ୍କାର । କିଛି ଦିନ ତଳେ ୩୦ କିଲୋ ସୁନା ଅଳଙ୍କାର ବିମାନବନ୍ଦର ସମୁଖରୁ ଜବତ ହୋଇଥିଲା । ଯେଉଁଥିରେ ଅଢେଇ କିଲୋ ସୁନା ଅଳଙ୍କାରର ତଥ୍ୟ ପାଇ ନଥିଲା ସିଟି ଜିଏସଟି । ଯାଞ୍ଚ ପରେ କିଛି ବ୍ୟବସାୟୀଙ୍କୁ ନୋଟିସ କରାଯାଇଥିଲା। ଏନେଇ ଏବେ ବି ତଦନ୍ତ ଜାରି ରହିଛି। ପାର୍ବଣ ଋତୁ ଥିବାରୁ ବ୍ୟବସାୟୀ ଅଧିକ ସୁନା ବ୍ୟବସାୟ ପାଇଁ ଆଣୁଥିବା ଜଣାଯାଇଛି।
