ରାୟଗଡ ତା ୧୯/୦୯ ରାୟଗଡ଼ା ଜିଲ୍ଲା କାଶୀପୁର ଥାନା ଭିତରେ ସିଯି ମାଳି ଖଣି ଖନନ ବିରୋଧୀ ଗୋଷ୍ଠି ଧସେଇ ପଶି ଯାଇଥିବା ବେଳେ ଥାନାର ଆସବାବ ପତ୍ର ଭାଙ୍ଗିରୁଜା କରି ନିଆଁ ଲଗେଇ ଦେଇଥିବା ଭଳି ସମ୍ବେଦନଶିଳ ଘଟଣା ସାମ୍ନାକୁ ଆସିଛି। ସୂଚନା ମୁତାବକ ସୁଙ୍ଗେର ପଞ୍ଚାୟତର ବନ୍ତେଜି ଗ୍ରାମର ଖଣି ଖାଦାନକୁ ବିରୋଧ କରୁଥିବା କାର୍ତ୍ତିକ ନାଏକଙ୍କୁ ଗିରଫ କରିବା ପରେ ଏକ ବୃହତ୍ ସମୁଦାୟ ଖଣି ଖନନ ବିରୋଧୀ ଗୋଷ୍ଠୀ କାଶୀପୁର ଥାନା ଭିତରେ ପଶି ଏହି ଗିରଫକୁ ବିରୋଧ କରି ଥାନା କାର୍ଯ୍ୟାଳୟର କବାଟ ଝରକା ଭାଙ୍ଗିବା ସହ କାର୍ଯ୍ୟାଳୟର ଆସବାବ ପତ୍ର ଥାନା ପରିସରରେ ନିଆଁ ଲଗେଇ ଦେଇଥିବା ଭଳି ଘଟଣା କାଶୀପୁର ଅଞ୍ଚଳକୁ ଏକ ପ୍ରକାର ସ୍ତବ୍ଧ କରିଦେଇଛି। ଏ ନେଇ ବର୍ତ୍ତମାନ ରାୟଗଡ଼ା ଏସ ପି ଙ୍କ ସହ ବରିଷ୍ଠ ପୋଲିସ ଅଧିକାରୀ ମାନେ କାଶୀପୁର ଯାଇ ଘଟଣାସ୍ଥଳର ଅନୁଧ୍ୟାନ କରି ସମାଧାନ କରିବା ସହ କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି ସୂଚନା ମିଳିଛି । କାଶୀପୁର ଥାନା ବର୍ତ୍ତମାନ ଏହି ବିଦ୍ରୋହୀଙ୍କ କବଜାରେ ରହିଥିବା ଭଳି ମନେ ହେଉଥିବା ବେଳେ ପରିସ୍ଥିତି ଅଣାୟତ୍ତ ରହିଥିବା ଜଣା ପଡିଛି ।
