EPFO ସବସ୍କ୍ରାଇବର୍ସଙ୍କ ପାଇଁ ଖୁସି ଖବର । କର୍ମଚାରୀ ପ୍ରୋଭିଡେଣ୍ଟ ଫଣ୍ଡ ଅର୍ଗାନାଇଜେସନ୍ (ଇପିଏଫ୍ଓ) ଦେଶର ୭ କୋଟି PF ଗ୍ରାହକଙ୍କୁ ଏକ ବଡ ଉପହାର ଦେବାକୁ ଯାଉଛି । ଆସନ୍ତା ବର୍ଷ ୨୦୨୫ ମସିହାରେ PF ଆକାଉଣ୍ଟଧାରୀମାନେ ଏକ ବିଶେଷ ସୁବିଧା ପାଇ ପାରିବେ।ଇପିଏଫ୍ଓ ସଦସ୍ୟ ୨୦୨୫ ଜାନୁଆରୀରୁ ଏଟିଏମ୍ ମାଧ୍ୟମରେ ସେମାନଙ୍କ ଭବିଷ୍ୟନିଧି ପାଣ୍ଠି ପରିଚାଳନା କରିବାକୁ ସୁଯୋଗ ପାଇବେ ବୋଲି ଶ୍ରମ ସଚିବ ସୁମିତ୍ରା ଡାୱରା କହିଛନ୍ତି। ଇପିଏଫ୍ରୁ ଟଙ୍କା ଉଠାଣ କ୍ଷେତ୍ରରେ ଦେଖାଦେଉଥିବା ବିଳମ୍ବ ଏହା ଦ୍ବାରା ହ୍ରାସ ପାଇବ ଓ ନ୍ୟୁନତମ ମାନବୀୟ ହସ୍ତକ୍ଷେପ ସହ ସଦସ୍ୟ ସହଜରେ ସେମାନଙ୍କ ଇପିଏଫ୍ ଆକାଉଣ୍ଟରୁ ଏଟିଏମ୍ ମାଧ୍ୟମରେ ଟଙ୍କା ଉଠାଣ କରିପାରିବେ।
ଯଦି ଆପଣ EPFO ରୁ ଟଙ୍କା ପ୍ରତ୍ୟାହାରର ନିୟମକୁ ଦେଖନ୍ତି, ଆପଣ ଚାକିରିରେ ଥିବାବେଳେ ଆପଣଙ୍କୁ ଆଂଶିକ କିମ୍ବା ସଂପୂର୍ଣ୍ଣ ଭାବରେ PF ଫଣ୍ଡ୍ ପ୍ରତ୍ୟାହାର କରିବାକୁ ଅନୁମତି ନାହିଁ । ଯଦି ଆପଣ ଅତି କମରେ ଏକ ମାସ ପାଇଁ ବେକାର, ତେବେ ଆପଣ ଆପଣଙ୍କର PF ବାଲାନ୍ସର ୭୫% ପର୍ଯ୍ୟନ୍ତ ପ୍ରତ୍ୟାହାର କରିପାରିବେ । ଦୁଇ ମାସ ପରେ ବେରୋଜଗାରୀ ପୂର୍ଣ୍ଣ ରାଶି ପ୍ରତ୍ୟାହାର କରିପାରିବେ। ନୂତନ ସେବା ମାଧ୍ୟମରେ PF ଫଣ୍ଡରୁ ଟଙ୍କା ଉଠାଇବା ଅତି ସହଜ ହେବ । ଆଶା କରାଯାଏ ଯେ, ଜାନୁଆରୀ ୨୦୨୫ରୁ କର୍ମଚାରୀମାନେ ଏହି ସୁବିଧା ପାଇପାରିବେ।
