କେନ୍ଦ୍ର ସରକାର ଖୁବ ଶୀଘ୍ର କର୍ମଚାରୀ ଭବିଷ୍ୟ ନିଧି ସଂଗଠନ (ଇପିଏଫ) ଯୋଜନା ଅନ୍ତର୍ଗତ ବେତନ ସୀମାକୁ ବଢାଇପାରନ୍ତି। ବର୍ତ୍ତମାନ ଏହା ୧୫,୦୦୦ରୁ, ୨୧, ୦୦୦ ଟଙ୍କାକୁ ବୃଦ୍ଧି କରିବାର ସମ୍ଭାବନା ରହିଛି।ଏହାପୂର୍ବରୁ ସେପ୍ଟେମ୍ବର ୨୦୧୪ ରେ ସରକାର ବେତନ ସୀମାକୁ ଦ୍ୱିଗୁଣିତ କରି ୬,୫୦୦ ରୁ ୧୫,୦୦୦ ଟଙ୍କା ପର୍ଯ୍ୟନ୍ତ କରିଥିଲେ।ସାଧାରଣତଃ କର୍ମଚାରୀଙ୍କ ବେତନର ୧୨ ପ୍ରତିଶତ ଏବଂ ନିଯୁକ୍ତିଦାତାର ୧୨ ପ୍ରତିଶତ ଅଟେ । ଯଦି ବର୍ତ୍ତମାନ ସର୍ବାଧିକ ବେତନ ସୀମା ବୃଦ୍ଧି କରାଯାଏ, ତେବେ କର୍ମଚାରୀ ଅଧିକ ଲାଭବାନ ହେବେ ।
କର୍ମଚାରୀଙ୍କ ସଂଖ୍ୟାକୁ ଦେଖି ଇପିଏଫ ସହିତ କମ୍ପାନୀଗୁଡିକର ପଞ୍ଜୀକରଣ ବାଧ୍ୟତାମୂଳକ ଅଟେ । ବେତନ ସୀମାରେ ଏହି ବୃଦ୍ଧି ଇପିଏଫ, କର୍ମଚାରୀଙ୍କ ପେନଶନ ସ୍କିମ (ଇପିଏସ) କୁ ପ୍ରଭାବିତ କରିବ । ପ୍ରୋଭିଡେଣ୍ଟ ଫଣ୍ଡ ନିୟମ ଅନୁଯାୟୀ ଯଦି ଜଣେ କର୍ମଚାରୀଙ୍କ ମୌଳିକ ଦରମା ମାସକୁ ୧୫,୦୦୦ ରୁ ଅଧିକ ହୁଏ, ତେବେ ସେମାନେ ଇପିଏଫ ଯୋଜନାରେ ଅଂଶ ହୋଇଥିଲେ ମଧ୍ୟ ସେମାନେ EPS ରେ ଯୋଗ ଦେଇ ପାରିବେ ନାହିଁ ।
