ନୀତିନ ନବୀନ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଭାବରେ ନିର୍ବାଚିତ ହୋଇଛନ୍ତି। ଏଥିପାଇଁ ସେ ଏକମାତ୍ର ପ୍ରାର୍ଥୀ ଥିବା ନେଇ ରିଟର୍ଣ୍ଣିଂ ଅଧିକାରୀ କେ. ଲକ୍ଷ୍ମଣ କହିଛନ୍ତି। ୩୬ଟି ରାଜ୍ୟ ଓ କେନ୍ଦ୍ର ଶାସିତ ପ୍ରଦେଶ ମଧ୍ୟରୁ ୩୦ଟି ରାଜ୍ୟ ସଭାପତିଙ୍କ ନିର୍ବାଚନ ସମ୍ପୂର୍ଣ୍ଣ ହେବା ପରେ ଜାତୀୟ ସ୍ତରରେ ନିର୍ବାଚନ ପ୍ରକ୍ରିୟା ସୁଗମ ଭାବରେ ଆଗକୁ ବଢ଼ିବା ପାଇଁ ଏହି ଘୋଷଣା କରାଯାଇଛି ।
କେ. ଲକ୍ଷ୍ମଣଙ୍କ ଦ୍ୱାରା ଜାରି ଏକ ବିବୃତ୍ତିରେ କୁହାଯାଇଛି, “ନାମାଙ୍କନ ପତ୍ର ଯାଞ୍ଚ ପରେ ବୈଧ ବୋଲି ଜଣାପଡିଥିଲା । ନାମାଙ୍କନ ପ୍ରତ୍ୟାହାର ଅବଧି ସମାପ୍ତ ହେବା ପରେ, ବିଜେପି ସଂଗଠନର ଜାତୀୟ ନିର୍ବାଚନ ଅଧିକାରୀ ଭାବରେ, ମୁଁ ଏହା ଦ୍ୱାରା ଘୋଷଣା କରୁଛି ଯେ ବିଜେପିର ଜାତୀୟ ସଭାପତି ପଦ ପାଇଁ କେବଳ ନିତିନ ନବୀନଙ୍କ ନାମ ପ୍ରସ୍ତାବ କରାଯାଇଛି । ଫଳସ୍ୱରୂପ, ନିତିନ ନବୀନଙ୍କୁ ବିଜେପିର ସଭାପତି ଭାବରେ ନିର୍ବିରୋଧରେ ନିର୍ବାଚିତ କରାଯାଇଛି ।”ନୀତିନ ନବୀନ ପାଞ୍ଚ ଥର ବିହାର ବିଧାନସଭାକୁ ନିର୍ବାଚିତ ହୋଇଛନ୍ତି। ସେ ବାଙ୍କିପୁରରୁ ବିଧାୟକ, ୨୦୦୬ ମସିହାରେ ପ୍ରଥମ ଥର ପାଇଁ ପାଟନା ପଶ୍ଚିମ ବିଧାନସଭା ଆସନରୁ ଉପନିର୍ବାଚନ ଜିତିଥିଲେ। ସେ ବାଙ୍କିପୁର ବିଧାନସଭା ନିର୍ବାଚନ ମଣ୍ଡଳୀରୁ ପ୍ରତିଦ୍ୱନ୍ଦ୍ୱିତା କରିଆସୁଛନ୍ତି ଏବଂ ୨୦୧୦, ୨୦୧୫, ୨୦୨୦ ଏବଂ ୨୦୨୫ ମସିହାରେ ବିଧାନସଭା ନିର୍ବାଚନରେ ବିଜୟୀ ମଧ୍ୟ ହୋଇଛନ୍ତି।