ଆଫଗାନସ୍ତାନ ଏବଂ ପାକିସ୍ତାନ ମଧ୍ୟରେ ପୁନର୍ବାର ସଂଘର୍ଷ ପରେ ଆଫଗାନ ତାଲିବାନ ସରକାରଙ୍କ ବିରୁଦ୍ଧରେ “ଖୋଲା ଯୁଦ୍ଧ” ଘୋଷଣା କରିଛି ପାକିସ୍ତାନ।ପାକିସ୍ତାନ ଓ ଆଫଗାନିସ୍ତାନ ମଧ୍ୟରେ ସୀମା ବିବାଦରୁ ଆରମ୍ଭ ହୋଇଥିବା ସଂଘର୍ଷ ତୀବ୍ର ହୋଇ ଯୁଦ୍ଧ ରୂପ ନେଇଛି । ଆଫଗାନିସ୍ତାନ ପାକିସ୍ତାନର ଆକ୍ରମଣର ଜବାବରେ ଗୁରୁବାର ବିଳମ୍ବିତ ରାତିରେ ଡୁରାଣ୍ଡ ଲାଇନରେ ପାକିସ୍ତାନର ୫୫ ସୈନିକଙ୍କୁ ମାରିବା ସହିତ ପାକିସ୍ତାନର ୧୫ ଅଧିକ ସେନା ଶିବିରକୁ ନିଜ ଅଧୀନକୁ ନେଇଥିଲା ।ଏହାର ଜବାବରେ ପାକିସ୍ତାନ ‘ଅପରେସନ ଗଜବ-ଲିଲ-ହକ୍’ ଆରମ୍ଭ କରି ଆଫଗାନିସ୍ତାନ ଉପରେ ଆକାଶମାର୍ଗରୁ ଆକ୍ରମଣ କରିଥିଲା । ଯେଉଁଥିରେ ୧୩୦ରୁ ଅଧିକ ତାଲିବାନ ଯୋଦ୍ଧାଙ୍କ ମୃତ୍ୟୁ ହୋଇଥିବା ଦାବି କରାଯାଇଛି । ପାକିସ୍ତାନ ଶୁକ୍ରବାର ପ୍ରତ୍ୟୁଷରେ କାବୁୂଲ, କନ୍ଧାହାର ଓ ପକ୍ତିୟାରେ ବୋମାବର୍ଷଣ କରିଛି ।ଉଭୟ ପଟେ ହିଂସା ବୃଦ୍ଧି ପାଇବା ସହିତ, ଉଭୟ ସେନା କହିଛନ୍ତି ଯେ ସେମାନେ ଅନ୍ୟ ପାର୍ଶ୍ୱରେ ଡଜନ ଡଜନ ସୈନିକଙ୍କୁ ହତ୍ୟା କରିଛନ୍ତି, ଯାହା ଫଳରେ କାତାର ମଧ୍ୟସ୍ଥତାରେ ହୋଇଥିବା ଯୁଦ୍ଧବିରତି କ୍ରମଶଃ ଅସ୍ଥିର ଦେଖାଯାଉଛି।
