ଅନୁଗୋଳ ବନଖଣ୍ଡ କୁସୁମ ପାଟ ଜଙ୍ଗଳରୁ ନରହନ୍ତା ଦନ୍ତା ହାତୀକୁ କାବୁ କଲା ବନ ବିଭାଗ । ଆଜି (ବୁଧବାର) ପ୍ରାୟ ୧୨ ଘଣ୍ଟାରୁ ଅଧିକ ସମୟ ଅକ୍ଲାନ୍ତ ପରିଶ୍ରମ ପରେ ହାତୀକୁ କାବୁ କରାଯାଇ ପାରିଛି । ସକାଳେ ହାତୀକୁ ଠାବ କରାଯିବା ପରେ ନିଶ୍ଚେତକ ଦିଆ ଯାଇଥିଲା । ଏହାପରେ ହାତିଟି ପ୍ରାୟ ଏକ କିମି ଦୂରରେ ଥିବା ଛୋଟ ଜଙ୍ଗଲ ଭିତରେ ତାଲଗଛ ମୂଳରେ ଠିଆ ହୋଇ ଯାଇଥିଲା । ବନ ବିଭାଗ କର୍ମଚାରୀମାନେ ତାକୁ ଠାବ କରିଥିଲେ ।ଏହାର କିଛି ସମୟ ପରେ କ୍ରେନ୍ ସାହାଯ୍ୟରେ ହାତୀକୁ ଉଠାଇ ଐରାବତ ରେସକ୍ୟୁ ଭ୍ୟାନରେ ରଖା ଯାଇଥିଲା । ଡାକ୍ତରୀ ଟିମ୍ ତାର ଚିକିତ୍ସା କରିଥିଲେ । ହାତିଟି କେଉଁଠିକୁ ନିଆଯିବ ସେନେଇ ଅନୁଗୋଳ ବନ ବିଭାଗ କିଛି ସ୍ପଷ୍ଟ କରୁନଥିଲେ ମଧ୍ୟ ତାକୁ ମୟୂରଭଞ୍ଜର ଶିମିଳିପାଳ ସ୍ଥାନାନ୍ତର ହେବା ନେଇ ଆଲୋଚନା ହେଉଛି ।
