ଦଶମୀ (ବିଜୟା ଦଶମୀ) ତିଥିରେ ମା’ ଦୁର୍ଗାଙ୍କ ପାଖରେ ଦହି ପଖାଳ ଭୋଗ ଲାଗି କରିବାର ଏକ ସ୍ୱତନ୍ତ୍ର ଓ ନିଆରା ପରମ୍ପରା ଓଡ଼ିଶାରେ ରହିଛି । ବିଶେଷ କରି କଟକର ବିଭିନ୍ନ ପୂଜା ମଣ୍ଡପ (ଯେପରିକି ଚୌଲିଆଗଞ୍ଜ, କାଜିବଜାର, ମଙ୍ଗଳାବାଗ) ଏବଂ ରାଜ୍ୟର ଅନ୍ୟାନ୍ୟ ସ୍ଥାନରେ ଏହି ପ୍ରଥା ବହୁ ବର୍ଷ ଧରି ପାଳିତ ହୋଇଆସୁଛି ।କଟକ ସହରରେ ମା’ ଦୁର୍ଗାଙ୍କ ନିକଟରେ ଅର୍ପଣ କରାଯାଇଛି ଦହି ପଖାଳ ଭୋଗ । ମା’ଙ୍କ ନିକଟରେ ଏହି ଭୋଗ ଅର୍ପଣ ପଛରେ ରହିଛି ଗଭୀର ଭକ୍ତିଭାବ ଓ ପରମ୍ପରା । ମହିଷାସୁର ବଦ୍ଧ ପରେ ଦେବୀଙ୍କ ଶକ୍ତିସ୍ୱରୂପ ଉଗ୍ର ରୂପକୁ ଶାନ୍ତ କରିବାର ପ୍ରତୀକ ଭାବେ ଏହି ଭୋଗକୁ ଦେଖାଯାଏ ।ମା’ଙ୍କ ପାଖରେ କ୍ୱିଣ୍ଟାଲ କ୍ୱିଣ୍ଟାଲ ପରିମାଣର ପଖାଳ ଭୋଗ ଲଗାଯାଇ ହଜାର ହଜାର ଭକ୍ତଙ୍କ ମଧ୍ୟରେ ପ୍ରସାଦ ଭାବେ ବଣ୍ଟନ କରାଯାଏ, ଯାହା ସାମାଜିକ ସଦଭାବନା ଓ ସଂସ୍କୃତିର ବାର୍ତ୍ତା ବହନ କରେ ।
