ଗୁରୁଗ୍ରାମର ଏକ ରେଷ୍ଟୁରାଣ୍ଟରେ ଆଶ୍ଵର୍ଯ୍ୟଜନକ ଘଟଣା ଘଟିଛି। ମାଉଥ୍ ଫ୍ରେନ୍ସର ଖାଇବା ପରେ ହଠାତ୍ ୫ ଜଣଙ୍କ ସ୍ୱାସ୍ଥ୍ୟବସ୍ଥା ବିଗିଡି ଯାଇଥିଲା। ଏନେଇ ତାଙ୍କୁ ତୁରନ୍ତ ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଏହି ଘଟଣା ସମ୍ପର୍କରେ ସୂଚନା ଦେଇ ପୋଲିସ କହିଛି ଯେ ପାଞ୍ଚ ଜଣଙ୍କ ମଧ୍ୟରୁ ଚାରିଜଣଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଗ୍ରେଟର ନୋଏଡା ନିବାସୀ ଅଙ୍କିତ କୁମାରଙ୍କ ଅଭିଯୋଗ ଅନୁଯାୟୀ ସେ ଶନିବାର ଗୁରୁଗ୍ରାମର ସେକ୍ଟର ୯୦ରେ ଥିବା ଏକ ରେସ୍ତୋରାଁରେ ତାଙ୍କ ପତ୍ନୀ ଏବଂ ଚାରିଜଣ ସାଙ୍ଗଙ୍କ ସହ ରାତ୍ରୀ ଭୋଜନ କରିବାକୁ ଯାଇଥିଲେ।
ରାତ୍ରୀ ଭୋଜନ ପରେ ସେଠାରେ ଜଣେ ୱେଟର ମାଉଥ ଫ୍ରେନ୍ସର ଆଣିଥିଲେ ପାଞ୍ଚ ଜଣ ଏହାକୁ ଖାଇଥଲେ ବୋଲି କୁମାର କହିଛନ୍ତି। ମାଉଥ୍ ଫ୍ରେନ୍ସର ଖାଇବା ପରେ ତାଙ୍କ ସ୍ବାସ୍ଥ୍ୟ ଅବସ୍ଥା ଖରାପ ହୋଇଯାଇଥିଲା ଏବଂ ପରେ ତାଙ୍କୁ ଡାକ୍ତରଖାନା ନିଆଯାଇଥିଲା।
ଏହି ଲୋକଙ୍କ ସ୍ବାସ୍ଥ୍ୟ ଅବସ୍ଥା ବିଗିଡି ଯାଇଥିବା ଦେଖି ସେଠାକାର ସମସ୍ତ କର୍ମଚାରୀ ପଳାଇ ଯାଇଥିଲେ।ପୀଡିତାଙ୍କ ଅଭିଯୋଗ ପରେ ପୋଲିସ ରେଷ୍ଟୁରାଣ୍ଟ ଅପରେଟରଙ୍କ ବିରୋଧରେ ଏଫଆଇଆର ପଞ୍ଜୀକୃତ କରି ଘଟଣାର ତଦନ୍ତ ଆରମ୍ଭ କରିଛି। ଏହି ଘଟଣାର ଭିଡିଓ ସୋସିଆଲ ମିଡିଆରେ ମଧ୍ୟ ଭାଇରାଲ ହେବାରେ ଲାଗିଛି। ପୋଲିସର ସୂଚନାନୁସାରେ, ଅଙ୍କିତ ତାଙ୍କ ଝିଅକୁ କୋଳରେ ଧରିଥିଲେ। ତେଣୁ ସେ ପାଟି ଫ୍ରେନ୍ସର ଖାଇ ପାରିନଥିଲେ। ସେହି ଗ୍ରୁପ୍ରେ ସେ ଏକମାତ୍ର ଥିଲେ ଯାହାଙ୍କ ସହ କିଛି ହୋଇନଥିଲା। ଡାକ୍ତର କହିଛନ୍ତି ଯେ ପାଞ୍ଚ ଜଣ ଯାହା ଖାଇଥିଲେ ତାହା ପ୍ରକୃତରେ ଶୁଖିଲା ବରଫ ତଥା ଡ୍ରାଏ ଆଇସ୍ ଥିଲା। ଏହା ହେଉଛି କାର୍ବନ ଡାଇଅକ୍ସାଇଡର ଏକ ଅଂଶ । ଏହା ଏକ କୁଲିଂ ଏଜେଣ୍ଟ ଭାବରେ ବ୍ୟବହୃତ ହୁଏ । ବର୍ତ୍ତମାନ ଏହା ମେଡିକାଲ ଠାରୁ ଆରମ୍ଭ କରି ଖାଦ୍ୟ ଇଣ୍ଡଷ୍ଟ୍ରି ପର୍ଯ୍ୟନ୍ତ ସବୁକିଛିରେ ବ୍ୟବହୃତ ହେଉଛି ।
