ନୟାଗଡ଼, (ଲକ୍ଷ୍ମୀଧର ସାହୁ): “ଘାରିଛି କାଳିଆ ନିଶା” ସଙ୍ଗୀତ ଅନୁଷ୍ଠାନ ଆନୁକୁଲ୍ୟରେ ପୁରୁଣା ସହରସ୍ଥିତ ମା’
ଦକ୍ଷିଣକାଳୀଙ୍କ ପୀଠରେ ଗୁରୁବାର ପବିତ୍ର ସଂକ୍ରାନ୍ତି ଦିନ ଏକ ମନୋଜ୍ଞ ସଂଗୀତ କାର୍ଯ୍ୟକ୍ରମକୁ ସନ୍ଧ୍ୟାରେ ବିଶିଷ୍ଟ ସମାଜସେବୀ ପ୍ରମୋଦ ପଟ୍ଟନାୟକଙ୍କ ପ୍ରଦୀପ ପ୍ରଜ୍ଜଳନ
ପୂର୍ବକ ଉଦ୍ଘାଟନ କରିଥିଲେ । ଅନୁଷ୍ଠାନରେ ସଂପାଦକ ଲକ୍ଷ୍ମଣ ଖଟେଇ ମଞ୍ଚ ପରିଚାଳନା କରିଥିବା ବେଳେ ସ୍ବନାମଧନ୍ୟ କଣ୍ଠଶିଳ୍ପୀ ଜଗଦୀଶ ପ୍ରସାଦ ରଥ, ପ୍ରାଣକୃଷ୍ଣ
ମହାରଣା, ପୀତବାସ କଳସ, ମାଧବ ଡାକୁଆ, ଗୁରୁ ପ୍ରଭାତ କୁମାର ଦାଶ, ବିଷ୍ଣୁପ୍ରିୟା ବେହେରା, ଆଶୁତୋଷ ମିଶ୍ର, ଦାମ ମିଶ୍ର, ଗୌର କିଶୋର ପ୍ରମୁଖ ସଂଗୀତ ପରିବେଷଣ କରିଥିଲେ । ସୁରଗନ୍ଧର୍ବ ନବକିଶୋର ମିଶ୍ରଙ୍କୁ ସମସ୍ତ ଗୀତିକାର ମାନେ ସମ୍ବର୍ଦ୍ଧନା ଜ୍ଞାପନ କରିଥିଲେ ।
