କ୍ରିକେଟ ଫ୍ୟାନ୍ସଙ୍କ ନଜର ଏବେ ଭାରତ-ଇଂଲଣ୍ଡ ଟେଷ୍ଟ ସିରିଜ ଉପରେ ରହିଛି । ଏହାରି ମଧ୍ୟରେ ଆଇସିସି କ୍ରିକେଟର ସମସ୍ତ ଫର୍ମାଟରେ ୮ଟି ନିୟମରେ ପରିବର୍ତ୍ତନ କରିଛି । ଜୁଲାଇ ୨ ରୁ ଅନ୍ତର୍ଜାତୀୟ କ୍ରିକେଟରେ ବହୁତ କିଛି ପରିବର୍ତ୍ତନ ହେବାକୁ ଯାଉଛି । ବାଉଣ୍ଡରି ନିକଟରେ ବନି ହପ୍ କ୍ୟାଚ୍ ଉପରେ ବି କଟକଣା ଲାଗୁ କରାଯାଇଛି । ଏହା ସହିତ ପୁରୁଷ ଅନ୍ତର୍ଜାତୀୟ ଦିକିକିଆ କ୍ରିକେଟ୍ ମ୍ୟାଚ୍ ପାଇଁ ପ୍ରତି ପାଳି ଲାଗି ଗୋଟିଏ ନୂଆ ବଲ୍ ପରିବର୍ତ୍ତେ ୩୫ ଓଭର ପରଠାରୁ ଗୋଟିଏ ବଲ୍ରେ ଖେଳାଯିବ ବୋଲି କୁହାଯାଇଛି ।ଧଳାବଲ୍ ପାଇଁ ଘୋଷିତ ନୂଆ ନିୟମ ଜୁଲାଇ ୨ରୁ ଆରମ୍ଭ ହେବ । ଧଳାବଲ୍ରେ ଷ୍ଟପ୍ କ୍ଲକ୍ ନିୟମ ଲାଗୁ କରିବାର ବର୍ଷକ ପରେ ଏହାକୁ ଟେଷ୍ଟ୍ କ୍ରିକେଟ୍ରେ ବି ଲାଗୁ କରାଯାଇଛି । ଟେଷ୍ଟ୍ କ୍ରିକେଟ୍ ପାଇଁ ମଧ୍ୟ ସ୍ଲୋ ଓଭର୍ ରେଟ୍ ନିୟମ ଲାଗୁ କରାଯିବ । ପୂର୍ବ ଓଭର ଶେଷ ହେବାର ଗୋଟିଏ ମିନିଟ୍ ଭିତରେ ପରବର୍ତୀ ଓଭର ଆରମ୍ଭ ହେବାକୁ ନିଷ୍ପତ୍ତି ନିଆଯାଇଛି । ଏଥିରେ ବିଫଳ ହେଲେ ଦୁଇଟି ଚେତାବନୀ ପଏଣ୍ଟ୍ ମିଳିବା ବୋଲିଂ ଦଳ ଉପରେ ତତ୍କ୍ଷଣାତ ୫ ରନ୍ ପେନାଲ୍ଟି ବି ଲାଗୁ ହେବ ।ଯଦି ଜଣେ ବ୍ୟାଟସମ୍ୟାନ୍ ଜାଣିଶୁଣି ଏକ ସର୍ଟ ରନ ନିଅନ୍ତି, ତେବେ ବ୍ୟାଟିଂ କରୁଥିବା ଦଳ ଉପରେ ୫ ରନର ଜରିମାନା ଲାଗୁ ହେବ । ଏହା ସହିତ, କେଉଁ ବ୍ୟାଟସମ୍ୟାନ୍ ଷ୍ଟ୍ରାଇକ୍ ନେବେ ତାହା ଫିଲ୍ଡିଂ ଦଳ ଏବଂ ଅମ୍ପାୟରଙ୍କ ଦ୍ୱାରା ନିଷ୍ପତ୍ତି ନିଆଯିବ ।
ଏହି ନିୟମ ଅନୁଯାୟୀ, ଯଦି ବ୍ୟାଟସମ୍ୟାନଙ୍କ ବିରୁଦ୍ଧରେ LBW ପାଇଁ ଆବେଦନ ହୁଏ ଏବଂ ରନ ଆଉଟ୍ ହୁଏ, ତେବେ ଟିଭି ଅମ୍ପାୟର ପ୍ରଥମେ LBW ଯାଞ୍ଚ କରିବେ । ଯଦି ବ୍ୟାଟସମ୍ୟାନ ଆଉଟ୍ ହୁଅନ୍ତି, ତେବେ ବଲଟି ସେଠାରେ ଡେଡ୍ ହୋଇଯିବ ।ICC DRS ନିୟମରେ ମଧ୍ୟ ପରିବର୍ତ୍ତନ କରିଛି, ଯଦି ବ୍ୟାଟସମ୍ୟାନଙ୍କୁ କ୍ୟାଚ୍ ଆଉଟ୍ ଦିଆଯାଏ ଆଉ ସମୀକ୍ଷାରେ ବଲ ପ୍ୟାଡ୍ ରେ ବାଜିଛି ବୋଲି ଜଣାପଡେ ତେବେ ଏବେ ତୃତୀୟ ଅମ୍ପାୟର ମଧ୍ୟ LBW ଯାଞ୍ଚ କରିବେ । ଏହି ସମୟରେ, ଯଦି ବଲ-ଟ୍ରାକିଂରେ ଅମ୍ପାୟରଙ୍କ କଲ୍ ଆସେ, ତେବେ ବ୍ୟାଟସମ୍ୟାନଙ୍କୁ ଆଉଟ୍ ଦିଆଯିବ ।ନୂତନ ନିୟମ ଅନୁଯାୟୀ, ଏବେ ଯେକୌଣସି ଫିଲ୍ଡର ସୀମା ବାହାରେ ପବନରେ ଡେଇଁବା ସମୟରେ କେବଳ ଥରେ ବଲକୁ ଛୁଇଁପାରିବେ । ଯଦି କୌଣସି ଫିଲ୍ଡର ଡେଉଁଥିବା ଥିବା ସମୟରେ ବଲକୁ ସୀମା ଭିତରକୁ ଠେଲି ଦିଅନ୍ତି, ତେବେ ସେ ସୀମା ଭିତରକୁ ଆସି ଏହାକୁ ଧରିଲେ ହିଁ ଏହାକୁ ଆଇନଗତ ଭାବରେ ବିବେଚନା କରାଯିବ ।
